Ingrediensar
- Ferdig pinnekjøtt frå butikken
ca 350 g per person
For å lage pinnekjøtt treng du ein vid kjele, trepinner eller ein rist.
Del ribba langs kvart ribbein. Legg bitane i rikeleg med kaldt vatn over natta. Bytt vatn ein gong.
Legg ei metallrist eller bjørkepinner (utan bark) i botn av kjelen. Fyll på med vatn slik at det står i høgde med underlaget. Legg kjøttbitane på kryss og tvers over.
Kok under lokk til kjøttet løsnar frå beina (ca to timar). Pass på slik at det ikkje kokar tørt!
Pinnekjøttet kan òg brunast lett i omnen. Legg pinnekjøttet i ei langpanne og sett det høgt i omnen på sterk varme eller under grillen i ca 5 minutt.
Pølsene kan dampast med pinnekjøttet dei siste 15-20 minuttane.
Server på ein varm tallerken med grove julepølser eller vossakorv, kålrotstappe, sjy, kokte potetar og sennep.