Fleire rundspørringar viser at svineribba er den store favoritten som julemiddag. Ribba blir servert i heile landet, gjerne med surkål, medisterkaker og pølse.
Ingrediensar
4 porsjonar
- 1 ¼ kg tynnribbe eller 1 ½ kg midtribbe
- 1 ts salt
- ½ ts peppar
Be slaktaren rute opp svoren, eller snitt han i ruter med skarp kniv. Snitt berre gjennom svoren, ikkje ned i feittet. Gni ribba inn med salt og peppar og la ho ligge kjølig med svorsida ned i 2 døgn.
Legg ribba i langpanna med svorsida ned. Hell i 2 dl vatn. Dekk panna med aluminiumsfolie. Damp ribba i steikeomnen ved 200 °C i 20 minutt.
Ta ut langpanna, og løft ribba over på rist med svorsida opp. Legg rista over langpanna. Steik ribba vidare ved 175 °C i 1,5-2 timar for tynnribbe, 2-2,5 time for midtribbe. La omnsdøra stå på gløtt dei siste 10 minutta for at svoren skal bli sprø. Er svoren likevel ikkje blitt så sprø som ein vil ha han, kan du sprø han opp under grillen. Men pass godt på svoren ikkje blir brent.
La ribba kvile i 10-15 minutt på kjøkkenbenken før ho skjærast opp. Då vil ikkje så mykje safta renne ut. Skjær ribba i 2-3 cm tykke stykkar. Kok ut langpanna med litt vatn. Bruk sjyen som saus.
Sprø svor
Legg svor som ikkje er blitt sprø på aluminiumsfolie på ei steikeplate. Sett plata under varm grill i steikeomnen, med omnsdøra open eller på gløtt. Pass svoren nøye. Plukk bitane ut etter kvart som dei blæs opp og blir sprø.