Ingrediensar
Per person:
- Torsk med hovud og innmat: 400-450 g
- Torsk i skiver: 300-400 g
Torsk på 1, 5-2,5 kg er fin til koking.
Reingjer fisken så raskt som mogleg. Fisken blir dårlegare av å liggje med innmaten i.
Skjer eit snitt like ovafor gattet på fisken. Ta laus gjellene, og trekk ut innmaten. Ta vare på rogn og lever. Skyll fisken. Skjer av hovudet og ei skive like under brystfinna. Skjer skivene nedover, omlag 2-2,5 cm bredde – litt breiare mot halen. Det er ein smaksak om ein vil klippe finnane bort eller la dei sitte på.
Vask fiskeskivene under rennande kaldt vatn. Fjern symjeblæra og blodet ved ryggbeinet.
La skiver av heilt nyfiska torsk ligge i kaldt vatn ½ time. Legg fiskeskivene i kokande salta vatn.
Til 1 liter vatn:
- ½ dl salt
- 1 ts eddik
Legg hovudet og stykket med brystfinnene i fyrst, eller kok hovudet i ein kjele for seg.
La fisken trekke til fiskekjøttet løsnar frå ryggbeinet med ein gaffel. Trekk ny fisk til neste servering.
Server kokt torsk med nykokte potetar, sitron og smelta smør eller Sandefjord-smør og eventuelt lever og rogn.
Tips andre om denne saken
Utskriftsvennlig versjon