NRK Meny
Foto/redigering: Stine Kyrkjebø Johansen

Kjøtet bør ha romtemperatur før du bruner det i panna. – Iskaldt frå kjølerommet er dødssynd, seier Steinar Lindstrøm til Gro Ravnestad.

Haustgryte av hjort

Hjort er ei fantastisk råvare og perfekt mat no om hausten. Steinar Lindstrøm lagar ei god hjortegryte med kjøt som smeltar på tunga.

Slik gjør du

Rekn cirka 200 g beinfritt kjøtt per person, frå bog eller frå høgrygg/nakke.

Skjær kjøtet i bitar om lag 3 x 3 cm. Ha like deler olje og smør i ei steikepanne. Strø over salt og pepar, og brun bitane.

Skrell 8 –10 sjalottlauk, som skal steikas lett i steikepanna. Kjøttet og løken dekkast med vatn/kraft i ei panne og kokast mørt.

Skulle du ha kraft tilgjengeleg er det supert. Dersom ikkje, går det godt an å bruke fond på flaske. Dette vil gje oksegryta betre smak enn om du kokar kjøtet i berre vatn.

Koketida på hjortekjøtet kan variere alt etter alder, kva del av dyret du brukar, og kor mørt kjøtet er, men det bør nok koke ein times tid.

Det skal og lagast ein brun saus, som du skal ha i gryta når kjøtet er kokt.

Brun saus

Ha mjøl og smør i ei steikepanne og la det bli brunt. Pass på at ikkje det blir svidd. Ha i krafta frå kjøtet, og kok sausen i rundt 20 minutt.

Kok opp crème fraîche og kremfløyte, og tilsett det i sausen. Ha i litt tyttebærsyltetøy og kanskje litt brunost. Smakast til med salt og pepar, og gjerne litt balsamicoeddik for å fremme smaken.

Sil sausen over kjøtet. Server med kokte grønnsaker og kokte poteter.

Kilde: Steinar Lindstrøm