Velkost kalvekjøt
- Mange nordmenn er byrja å bli opptatt av kvar kjøtet dei et, kjem frå. Dei vil gjerne vita kven som har laga kjøtet, kven som har stelt kua, for å seia det slik. Og me som bønder er også interessert i at kundane kjenner oss og veit kva me står for, seier ho.
Utanom vanleg storfe, satsar ekteparet på noko så uvanleg som kalvekjøt. Dette er kjøt som nesten er blittvekke på den norske marknaden. Ikkje så rart kanskje, sidan dyra ikkje kan bli meir enn seks månadar gamle og ein sjølvsagt ikkje kan få like mykje att for kvar av dei. Men trua på kalvekjøtet er stor i fjøset, og når Eide vasar inn i kalveflokken får ho demonstrert kvalitetsbarometeret på kjøtet. Kalvane kan ikkje få nok av ho og vil kosa og sleika og gneka, og slikt vert det godt kjøt av, i følge Bente Nordanger:
- Når kalvane kosar på denne måten vitnar det om trivsel, og di betre trivselen er, di betre vert kjøtet.
I programmet får Eide smaka på "Rosa og grønn kalvedrøm" og kan berre konkludera at så lenge det faktisk er slik at kjøt ikkje er fødd i plast, ja så er velkost kalvekjøt rett og slett å anbefala.
Pølsesuksess med geit
I jakta på opphavet til maten vår durar Morris opp bakkane til Magnhild Dyrdal, som har gjort barndomsheimen om til pølsefabrikk. Før sendte ho geitene til slaktaren og såg dei aldri att, no får ho dyra attende og lagar pølsa av dei. "Pylso hennar Magnhild" er blitt eit omgrep i Nordhordland, og så populær at Magnhild ikkje greier å dekka etterspurnaden. Eit bevis på at nisjemat kan løna seg.
Røyk
Pylso hennar Magnhild er ei røykepølsa, og så lenge det ikkje vert austavind går alt bra.
- Austavinden gjer pylsa tørr, og då må ho gjerne vetast att. Berre bal med den vinden, meiner ho. Avgjerande for resultatet er også forholdet mellom sau og geit i pølsa, det må vera litt sau for å få opp feittinnhaldet og gjera pølsa saftig. Og i god småskalaånd sit Magnhild og ser seg ut sauene der dei trakkar på bøen sin.
Oppskrift med Kalvekjøt
Kokk Ingvild Skorpen Bøge på restauranten Spisekroken i Bergen har spesialisert seg på rettar med kalvekjøt, og er storforbrukar av kalvekjøtet frå ekteparet Nordanger i Gulen. Av i alt 60 eigenkomponerte kalvekjøtmenyar har ho valt ut denne for Eide & Morris:
