Det er både eit overveldande og vedvarande fleirtal blant danskane for aktiv dødshjelp, viser meiningsmålingar frå dei siste åtte åra.
I ei ny måling utført av Rambøll/Analyse for Jyllands-Posten seier nesten 70 prosent av danskane at dei er for aktiv dødshjelp, medan berre 20 prosent er imot, skriv Jyllands-Posten.
Dei fleste partia er offisielt imot, med unntak av Liberal Alliance, som ikkje har teke eit standpunkt.
Men no tek helseministaren Astrid Krag frå Socialistisk Folkepart til orde for å sette saka på den politiske dagsorden.
– Det er viktig å sikre at alvorleg sjuke menneske får anstendige rammer for ein verdig død. Difor meiner eg at det absolutt er verdt å ta debatten om aktiv dødshjelp, seier ho til Jyllans-Posten.
- LES OGSÅ:
Ser til andre land
Krag vil innhente erfaringar frå land som har aktiv dødshjelp og be Det Etiske Råd i Danmark om å greie ut saka og ta stilling til den.
Ho får også støtte frå fleire politikarar som meiner det trengst ein debatt.
I 2006 var Det Etiske Råd imot aktiv dødshjelp, men rådet har fått nye medlemmer og er i dag innbyrdes ueinige.
– Me er ikkje blinde for danskane sin haldning. Det ville vore arrogant, seier leiar i rådet, Jacob Birkler, til Jyllands-Posten.
– Me er lydhøre for kva borgarane meiner og ser på utviklinga på det kliniske felt. Men det avgjerande er at me skaper eit fundament for ein ordentleg debatt, seier han.
- LES OGSÅ:
Norge
I ein MMI-undersøking frå 2007 svarte 67 prosent av dei spurte nordmenn at dei var heilt eller delvis for aktiv dødshjelp.
Ein tilsvarande undersøking vart gjennomført i 2002. Då var 69 prosent heilt eller delvis for.
Det var fleirtal i alle partia, unnateke Kristeleg Folkeparti.
I 2009 vart Framstegspartiet det fyrste politiske partiet i Norge som gjekk inn for å stadfeste retten til aktiv dødshjelp.
Legar har vore dei klaraste motstandarane av aktiv dødshjelp. Dei meiner det strir mot legegjerninga, som er å lindre og lækje.
- LES OGSÅ:
- LES OGSÅ:
