NRK Meny
Normal

Bygde sitt eige domehus

– Vi ville ikkje lage eit hus frå ein katalog, seier Sandra og Ole-Martin. Sjekk korleis dei urøynde husbyggjarane bygde den første domen i Noreg – til å bu i.

Ole-Martin og Sandra ønska seg eit hus som passa deira livsstil.

SJÅ VIDEO: Så glad blir ein når domehuset endeleg er på plass!

Takhøgde

Domehuset har ei takhøgde på åtte meter frå golv til tak.

Foto: Frode Søreide / NRK

På Sandhornøya i Nordland står eit hus som garantert ingen andre i Noreg har maken til. Ole-Martin Borgan (34) og Sandra Eilertsen (29) ønska seg eit unikt hus som passa til deira livsstil. Dei gav seg difor i kast med eit domehus.

– Eg har budd i mange hus og leilegheiter i mitt liv, men aldri hatt den same kjensla som no når vi bur i vårt eige hus. Vi har lagt så mykje kjærleik og energi i bygget, så det kjennast som om det er for oss og berre oss, seier Sandra Eilertsen til NRK.

Byggesett frå USA

Reisverket

Huset kom som eit byggesett frå USA.

Foto: Siv Helberg / NRK

Domen er teikna av den amerikanske arkitekten Dennis Johnson, og det unge paret bestilte huset som eit byggesett frå USA. Då Sandra og Ole-Martin gav seg i kast med prosjektet, fekk dei god hjelp av storfamilien og naboar på øya. Saman la dei ned ein imponerande dugnadsinnsats for å kome i mål.

Resultatet vart eit spesielt hus med åtte meter takhøgde. Det kosta 2,8 millionar kroner å reise huset, og bygginga tok omlag ti månader.

Spesielle veggar

Det er ikkje berre huset som er spesielt. Veggane er laga av cob, som er ei blanding av halm, sand og leire.

Foto: Siv Helberg / NRK

Domehuset er med i den nye NRK-serien Draumehuset. Programleiar Frode Søreide har følgt seks norske familiar frå byggeprosessen startar til draumehuset står ferdig.

– Det var heilt unikt å følge med på at domehuset vart til, sidan eit slikt bygg aldri før hadde vore reist i Noreg. Eg er mektig imponert over at to så unge personar tør å setje i gong eit sånt prosjekt, seier programleiar Søreide.

Vil ha skreddarsydde hus

Stor takhøgde

Takhøgda er på åtte meter.

Foto: Siv Helberg / NRK

Å byggje eit unikt hus er det ikkje berre Sandra og Ole-Martin som vil.

– Vi opplever at folk gjerne vil ha meir skreddarsydde hus enn tidlegare, og at husa er tilpassa kvar enkelt familie sine behov. Men nødvendigvis ikkje at dei skal vere så ekstremt spesielle, seier arkitekt Håkon Matre Aasarød i arkitektfirmaet Vardehaugen.

Tøff prosess

Programleiar Frode Søreide

Frode Søreide er programleiar for Draumehuset.

Foto: Rune A. Hansen / NRK

Sandra og Ole-Martin er no vel på plass i den nye heimen sin på Sandhornøya, men vegen dit har kosta.

Medan Ole-Martin har lagt ned utallige timar og kveldar på byggeplassen, har Sandra vore aleine om å ta ansvaret heime med borna.

– I periodar har det vore utruleg intensivt. Dritt - rett og slett. Men det måtte vi berre gjennom i ein periode, seier Sandra.

Å lage ein TV-serie om folk sine draumehus er heller ikkje gjort på ein dag.

– Vi starta arbeidet med serien alt i 2013. Det har vore både opp- og nedturar undervegs, og eg frykta fleire gonger at ikkje alle ville kome i mål, seier Frode Søreide.

  • Sjå premieren på første episode av Draumehuset i nett-tv no.
Draumehuset

Huset ligg vakkert til på Sandhornøya i Gildeskål kommune i Nordland.

Foto: Petter Formo

TV og radio

Vi fyrer med ved. Men hva slags ved skal man fyre med - og hva bør man absolutt ikke slenge i peisen? Vi tester ved og gir tips og råd om vedovner, gamle som nye. Og så ser vi på fiffige ved-dingser.
Kunne du tenkt deg å sove i same seng som kong Olav? I sesongpremieren på Solgt tar programleiar Frode Søreide med seg to lag med meklarar frå Austlandet til Narvik. Her skal dei tippe pris på tre eigedomar. Kven tippar nærast? Ei av utfordringane er eit gamalt og ærverdig pensjonat, som mellom annan Kong Olav har gjesta ved fleire høve. Sesong 5 (1:6)
Helene sjekker inn - på asylmottak. Norsk dokumentar.
I fem døgn bor programleder Helene Sandvig sammen med asylsøkere på Dikemark Asylmottak. Det blir et tøft møte med en helt annen virkelighet.