NRK Meny
Normal

– Du bør slette kontoen med jevne mellomrom

Norske butikkar sine kundeklubbar gir deg ikkje berre rabattar. Dei samlar også informasjon om deg og dine vaner. – Du gir fra deg retten til et privatliv, seier Forbrukerrådet.

Kundane bør slette kontoen sin ein gong i året rådar Forbrukerrådet

I mange bokhandlar, daglegvarebutikkar og klesbutikkar får du i dag spørsmål om du vil bli medlem i kundeklubben deira.

Foto: Pål Solheimsnes / NRK

I mange bokhandlar, daglegvarebutikkar og klesbutikkar får du i dag spørsmål om du vil bli medlem i kundeklubben deira.

Men dei fleste tenker ikkje over kva dei gir frå seg i bytte for freistande tilbod.

– Er du medlem i tre-fire medlemsklubbar og tenker over kva du har kjøpt der, så seier det ganske mykje om livet ditt og kva du er interessert i, seier Bjørn Erik Thon, direktør i Datatilsynet.

Finn Myrstad

Finn Myrstad er fagdirektør for digitale tenester i Forbrukarrådet og åtvarar mot butikkanes kundeklubbar.

Foto: Kjell Håkon Larsen

Etterlyser meir openheit

Butikkane ber ofte medlem registrere namn, telefonnummer og adresse. Du kan også bli spurt om sivilstand, kva utdanning du har og om du eig eller leiger staden du bur.

Thon seier at mange butikkar bør gjere det tydelegare for kundane kva informasjonen dei gir vekk blir brukt til:

– Kva er det som samlast inn? Kva brukast desse opplysningane til? Kor lenge lagrast dei? Her ser vi at mange butikkar som har ein veg å gå.

Ei undersøking utført av TNS Gallup for NRK viser at ni av ti nordmenn er medlem av ein eller fleire kundeklubbar og heile fire av ti er medlem av fem eller fleire.

Les meir:

Tilrår årleg sletting

Finn Myrstad, fagdirektør i Forbrukarrådet meiner kundane mister langt meir enn berre kontrollen over personopplysningane sine:

– Du gir frå deg den grunnleggande retten til personvern som alle har – eit privatliv.

Les meir: Uber vil overvåke deg etter turen

Han meiner at kundane sjølv blir nøydde til å ta grep om informasjonen butikkane har om dei:

– Prøv å gi frå deg så lite informasjon om deg sjølv som mogleg. Du bør også få sletta medlemskontoen ein gong i året eller noko sånn, berre for å bli kvitt dataoppsamlinga som butikken gjer.

– Kundane vel

Geir Jostein Dyngeseth, organisasjon- og medlemsdirektør i Coop, seier han ikkje anbefaler kundane å slette kontoane sine:

Geir Jostein Dyngeseth, Organisasjon- og medlemsdirektør i Coop

Geir Jostein Dyngeseth, Organisasjon- og medlemsdirektør i Coop

Foto: Coop Norge

– Vi har ein avtale med medlemmene om å ta godt vare på data som vi samlar inn. Vi lagrar ikkje data over lenger tid enn det medlemmene har nytte av. Blir medlemsskapet sletta begynner ein jo på nytt på ein måte, og vi vil ikkje ha mogelegheit til å gi relevante tilbod til kunden.

Coop lar i dag kundane i større grad velje kor mykje informasjon butikken samlar om dei og ein kan velje å ikkje få sine kjøp analysert av Coop.

– Vi legger opp til at du sjølv kan styre i kva grad du ynskjer å vere med på programmet eller ikkje. Medlemmene vel også sjølv kva dei registrerer eller ikkje, sidan dei aktivt må nytte medlemskortet eller medlemsappen.

Laster innhold, vennligst vent..

TV og radio

Vi fyrer med ved. Men hva slags ved skal man fyre med - og hva bør man absolutt ikke slenge i peisen? Vi tester ved og gir tips og råd om vedovner, gamle som nye. Og så ser vi på fiffige ved-dingser.
Kunne du tenkt deg å sove i same seng som kong Olav? I sesongpremieren på Solgt tar programleiar Frode Søreide med seg to lag med meklarar frå Austlandet til Narvik. Her skal dei tippe pris på tre eigedomar. Kven tippar nærast? Ei av utfordringane er eit gamalt og ærverdig pensjonat, som mellom annan Kong Olav har gjesta ved fleire høve. Sesong 5 (1:6)
Helene sjekker inn - på asylmottak. Norsk dokumentar.
I fem døgn bor programleder Helene Sandvig sammen med asylsøkere på Dikemark Asylmottak. Det blir et tøft møte med en helt annen virkelighet.