Tänä syksynä hänelä oon ollu hoppu sillä ko hän oon laulanu ja pelanu kyläpelissä "Mun kultani – mitt gull".
Tänä syksynä hänen ensimäinen cd tullee ulos. Siinä hän oon laittanu musikin paikalishiin dikthiin, ja hän laulaa ja pellaa kitaaria.
Øystein oon aina tykäny musikista. Hän aloitti kulttuurikoulun ko hän oli lapsi ja hän oon pelanu kolukorpsissa monta vuotaa. Ja hän oon pelanu bändissä. Kymmenen vuotta hän oli johtaaja Mollis kuorossa. Hän laulaa kans Vokal nord korossa/korissa, se oon yksi koko Ruijan parhaimista kooriista.
Musikin kautta hänelä oon maholisuus viehä etheenpäin kväänkulttuurii ja "kolmen heimon kohtaamista".
– Mie tykkään ette meän kulttuuri oon jännittäävä. Siinä kohtaava ruijalainen, saamelainen ja kainulainen kansa, sannoo Øystein.
Hän muistelee ette hänelä itteläki maaterivanhiimet olthiin ruijalaiset, saamelaiset ja kainulaiset.