YouTube tek over for MTV

Denne veka fyller YouTube fem år. Nettstaden er på god veg til å avløyse MTV som den viktigaste musikkvideoarenaen.

Skjermebilete Lars Vaular
Foto: Skjermbilete/YouTube.com / NRK

YouTube får skulda både for MTVs død og for å ha revolusjonert musikkvideoutrykket. Denne veka fyller nettgiganten fem år, og mange artistar bruker sida svært medvite for å uttrykkje ein meir personleg bodskap.

Lars Vaular

Bergensrapparen Lars Vaular lanserer stadig nye videoar på YouTube.

Bergensrapparen Lars Vaular er ein av dei som bruker YouTube aktivt for å marknadsføre seg.

— Eg kan gjere kva eg vil. Når det gjeld til dømes tv-kanalar, er det mange fleire ting ein må ta omsyn til, seier Lars Vaular.

Etter å ha eksistert i fem år har nettstaden langt på veg teke over MTVs rolle.

— Det har i alle fall gjeve mange eit spark i ræva til å finne fram til dei enkle, gode ideane igjen. Det er ikkje vits i å bruke så mykje pengar på å lage ein musikkvideo når uansett ingen ser på TV, synest Lars Vaular.

Form framfor innhald

Også direktøren i plateselskapet EMI Music Norway, Bjørn Rogstad, ser det positive i rolla YouTube spelar. Han meiner YouTube har vore med på å bryte ned det klassiske musikkvideo-idealet MTV har stått for.

— Frå MTV har det vorte sett sterke krav til kor dyr ein musikkvideo skal sjå ut. Kor profesjonell videoen ser ut, har alltid vore viktigare for MTV enn innhaldet, meiner Bjørn Rogstad.

— Tingen med YouTube, sosiale nettstader, og alle nye ting på nettet, er at dei legg veldig til rette for uavhengige folk. Det passar mykje betre for ein type som meg, seier Lars Vaular.

Suksessfaktor

Marit Larsen under konsert på Uka-09

YouTube-videoar har vorte viktige for Marit Larsen.

Foto: Arne Kristian Gansmo

YouTube kan også vere ein viktig faktor for ein suksessen til ein artist. Bjørn Rogstad fortel at dei i samband med lanseringa av Marit Larsens førre album lagde ein serie med YouTube-videoar, som var billege å produsere.

— Desse vart veldig raskt vart plukka opp av Perez Hilton, og vart dermed vår mest sette video på mange, mange, mange år, seier Rogstad.

I dag slepp Lars Vaular nok ein musikkvideo på YouTube.

— Eg har nokre musikkvideoar som er veldig enkle, som eg berre klipper sjølv, der eg eigentleg berre stel bilete. Så har eg litt meir ambisiøse videoar der vi filmar, og lagar skikkelege videoar, seier Lars Vaular.

Kulturstrøm

  • Kanye snakket om «presidentkallet»

    I et tre timer langt radiointervju hos Joe Rogan snakket Kanye West om sitt kall etter å bli «lederen av den frie verden». Han kom også med udokumenterte antydninger om at Bob Marley, Michael Jackson og Prince hadde blitt drept, melder Variety.

    Kanye West
    Foto: ANGELA WEISS
  • Fremtidens kunst

    Norsk kunstner tjente mer på 8 måneder enn på 10 år. Ny teknologi og digitale kunstauksjoner har gjort det mulig å nå kunstsamlere over hele verden.

    Digital kunst omsettes for millioner – norsk kunstner tjente mer på 8 måneder enn på 10 år