Høyr:
For å redusere antal skader og ulukker har Justisdepartementet gitt Direktoratet for samfunnssikkerhet og beredskap i oppdrag å utforme eit nytt regelverk der blant anna rakettar med styrepinne blir forbode å bruke for privatpersonar.
Forslaget til nytt regelverk skal snart ut på høyring, og forbodet blir truleg innført før nyttårsafta i år.
Då den fyrste dagen rann i 2008, sat importørar og forhandlarar framleis på fyrverkeri som blir omfatta av eit forbod.
Foto: Aina Rødal / NRKMen då den fyrste dagen rann i 2008, sat importørar og forhandlarar framleis på fyrverkeri som blir omfatta av eit forbod, og bransjen har rekna ut det finst varer til ein verdi av 35 millionar kroner i Norge som snart vil vere ulovlege å selje.
Kan føre til konkursar
Rolf Terkelsen, leiar i Norsk Pyroteknisk Bransjeråd, seier dei sjølvsagt vil bidra til å redusere talet på ulukker, men han ber no om å få selje restlageret i stadenfor å destruere det. Han seier kostnadene blir for store for dei 8-9 importørane, og er redd det vil føre til konkursar. Får dei ikkje selje rakettane, seier han styresmaktene må kompensere tapet dei sit att med.
Terkelsen er dessutan kritisk til at eit forbod blir innført så fort, og seier Justisdepartementet lova dei meir tid. Varene frå Kina blei nemleg bestilt lenge før justisminister Knut Storberget varsla eit mogleg forbod.
Men avdelingsleiar i Direktoratet for samfunnssikkerhet og beredskap, Siri Hagehaugen, seier bransjen hverken vil få dispensasjon eller kompensasjon. Ho meiner dei har fått god tid til å førebu seg på regelendringa, og dessutan gjeld forbodet berre for privatpersonar. Bransjen kan framleis selje slikt fyrverkeri til profesjonelle aktørar.
Norgesglasset NRK P1
