I dag kunngjorde Svenska Akademien at
. Det er ei tildeling som fell i smak hjå forfattarane Jon Michelet og Perdro Carmona-Álvarez.– Eg tenkjer at endeleg er det ein nobelprisvinnar eg kjenner. Så det er veldig moro. Og så synest eg det er flott at prisen går til Sør-Amerika, det er lenge sidan sist, seier forfattar Jon Michelet.
Han har sjølv møtt Mario Vargas Llosa fleire gonger. Første gong var på ein fotballstadion i VM i Spania i 1982, der dei dekte VM for kvar si avis.
– Vi såg kampen Italia-Kamerun. Vi heia alt vi kunne på Kamerun, Vargas Llosa fordi Peru var vorte ydmyka, og han ville sjå Italia slått ut, og det ville eg også, fortel Jon Michelet.
Begeistra for Hamsun
Seinare har også Michelet besøkt nobelprisvinnaren heime i Lima i Peru.
– Der snakka vi mellom anna om hans begeistring for Hamsun, og om hans eigen forfattarskap.
– Kva slags menneske vil du seie han er?
– Han er ein veldig vakker mann. Han er sannsynlegvis den penaste mannlege nobelprisvinnaren nokon gong. Han er veldig blid og imøtekomande og han er svært konservativ.
– Mest morsame eg har lese
Trass i at Mario Vargas Llosa til og med stilte som presidentkandidat for det konservative partiet i Peru, har ikkje det påverka Jon Michelet, som politisk står langt til venste, sitt syn på forfattarskapen.
– Han har absloutt vore min favoritt. Fiendskapen hans med Gabriel García Márquez var legendarisk og politisk. Men for meg som nordmann å lese Vargas Llosa noko heilt anna, fordi han er ein så bra forfattar.
Han trekkjer også fram humoren i bøkene til Mario Vargas Llosa. Spesielt anbefaler han å lese Pantaleón og tjenerinnene.
– Det er noko av det mest morasame eg nokon gong har lese, seier Michelet.
– Eg er faktisk litt lukkeleg i dag, avsluttar Michelet om dagens tildeling av nobelprisen.
Anna bilete av Sør-Amerika
Også den norske-chilenske forfatteren Perdro Carmona-Álvarez synest årets nobelprisvinnar er eit godt val. Sjølv las han bøker av Vargas Llosa då han var ung.
– Det er ikkje mange andre latin-amerikanske forfattarar i dag som kunne ha fått den prisen, seier Perdro Carmona-Álvarez.
Han synest at det er hyggjeleg at prisvinnaren står for ein annan type litteratur enn det som vanlegvis vert trekt fram når ein snakkar om søramerikansk litteratur, som er den magiske realismen, Garcia Marquez og Isabel Allende.
– Vargas Llosa bryt med det sementerte biletet av latin-amerikanske forfattarar. Han er ein danna, grå-håra moderat.