Frokost-TV sin eigen kunstekspert, Tommy Sørbø, har tatt for seg Henrik Ibsen sin sjølvbiografi, eller i alle fall Ibsen sitt utkast av ein sjølvbiografi.
- For det første er den utruleg fasinerande, fortel Tommy.
Kunne sjå alt
Sjølvbiografien startar med at han blei tatt opp i kyrkjetårnet av hushjelpa for å sjå utsikta. Tårnet var rett ved der han budde på denne tida. Hushjelpa skal ha løfta vesle Henrik ut av gluggene på tårnet.
Ibsen skriv at han hugsar veldig godt kva han såg frå tårnet. Han beskriv denne ”lilleputt-verda” som han såg der nede. Der han blant anna såg mora i vindauget, heilt forskrekka over at Henrik hang og dingla utanfor kyrkjetårnet.
Alle detaljar
Han beskriv og at han såg alle detaljane i huset, han såg over taket og ned i bakgarden der blant anna hestane og spannene sto.
Sidan Tommy sjølv er kjent i Skien byrja han å tenke over dette.
- Eg tenkte om dette var mogeleg. Kan han ha sett dette? Er dette eit litterært grep frå Ibsen si side?
Og svaret Tommy kom fram til er at dette ikkje kan stemme i det heile tatt.
Heilt feil
- Han kan ikkje ha sett alt han fortel om. Han kan ikkje ha sett over kanten på huset, fortel Tommy.
Den kjente kunsteksperten har faktisk funnet ut at om så tårnet hadde vore dobbelt så høgt, hadde han ikkje klart å sjå denne bakgarden.
Men Tommy påstår ikkje at dette var fri dikting av Ibsen.
Ingen løgnar
- Folk har vore inne på om dette var eit litterært grep.
Dette kan faktisk vere grunnen til at Ibsen aldri fullførte sjølvbiografien sin.
- Det kan hende at han såg at dette blei fri dikting og at det blei meir som ein roman, trur Tommy.