Uma Thurman bryt stilla om Harvey Weinstein

Skodespelaren Uma Thurman og Harvey Weinstein arbeidde samen i fleire store kassasuksessar. No frydar ho seg over fallet til filmmogulen.

Uma Thurman Pulp fiction Tarantino

Uma Thurman fekk sitt internasjonale gjennombrot som Mia Wallace i Tarantino-filmen «Pulp Fiction», som var produsert av Weinstein-selskapet Miramax.

Harvey Weinstein var ein av dei mektigaste i Hollywood, men etter at fleire kvinner dei siste månadane har stått fram og skulda han for valdtekter og seksuell trakassering, har han blant anna mista jobben og medlemskapen i Oscar-akademiet. Weinstein har hele vegen nekta for at han har gjort noko gale.

– Alle skuldingane om sex utan samtykke blir klart avvist av Mr. Weinstein, sa PR-agenten hans ved eitt av tilfella.

Skodespelaren Uma Thurman har samarbeidd med Harvey Weinstein i sju filmar, skriv The Guardian.

Blant dei er Tarantino-filmane «Pulp Fiction» og «Kill Bill vol. 1 og 2». Då ho i oktober blei spurt av underhaldningsnyheitsprogrammet Access Hollywood om å kommentere skuldingane, sa ho at ho ville vente.

Grunnen var at ho kjende på eit sinne som kunne føre til at ho kunne kome til å seie ting ho seinare ville angre på.

– Du fortener ikkje ei kule

Men torsdag kveld tok Thurman bladet frå munnen i ei Thanksgiving-helsing til fansen på Instagram. Bildet ho har lagt ut er Thurman i rolla som hemnaren The Bride frå «Kill Bill».

I teksten ymtar ho om at også ho har vore utsett for uønskt merksemd frå Harvey Weinstein.

– Eg sa nyleg at eg var sint, og eg har nokre grunnar. #metoo, om du ikkje forstod det ut frå ansiktsuttrykket. Eg meiner det er viktig å ta tida til bruk, vere rettferdig og presis, så Happy Thanksgiving til alle (Bortsett frå deg Harvey, og alle dine vonde medsammensvorne. Eg er glad det går sakte – du fortener ikkje ei kule).

Utsegna frå Thurman blir applaudert av skodespelaren Rose McGowan, som var blant dei første som kom med skuldingar mot Weinstein. På Twitter skiv ho. «Hei Uma. Velkommen».

Laster Twitter-innhold

Harvey Weinstein har ikkje kommentert Instagram-helsinga til Uma Thurman.

Kulturstrøm

  • Bond klar for Sæbø?

    Sæbø i Ørsta skal være klar for innspillingen av en ny James Bond film, melder TV 2. Flere varebiler merket med Pinewood og Movie Makers har ankommet sunnmørsbygda. Pinewood er kjent som innspillingsstudio for James Bond-produksjonene. Flere uavhengige kilder bekrefter overfor TV 2 at disse er engasjert i Bond-opptak de nærmeste dagene. I følge kanalen har produksjonen fått tillatelse til å stenge av Sæbø sentrum tirsdag og onsdag.

    James Bond filminnspilling Sæbø
    Foto: Rune Sæbønes/Møre Nytt
  • Diop fikk pris

    Regissør Mati Diops "Atlantics" fikk Juryens Store Pris under Cannes Film Festival lørdag kveld. Diop var første svarte kvinne til å bli nominert. Det er den nest-mest prestisjefylte prisen i Cannes etter Gullpalmen.

  • Palme d'Or til Bong Joon-ho

    Bong Joon-ho vant, som første sørkoreaner, hovedprisen, Gullpalmen, under filmfestivalen i Cannes for den kritikerroste svarte komedien 'Parasite', som handler om klasseskille i landet.

    X02520
    Foto: STEPHANE MAHE / Reuters