Urørt meiner:
Frå Bergensvåren kjem nok eit friskt poptilskot. Med tradisjonell (surf)basseng og harmonisk piano - men også ein smule galskap innimellom, er dette sofistikert pop som mange kan like. Jones Nielsen førar ånden frå Kakkmaddafakka godt vidare på denne vekas urørte låt: TT.
Trykk på 'pil ned' til høyre i playeren for å laste ned.
Teksten er viktig
Jones Nielsen er Jonas Nielsen frå Bergen. Berre at no bur han i Oslo. Men det var eit par ting Jonas, eller Mr. Jones, måtte gjere før han flytta til hovdustaden. Ein av dei tinga var å lage låta TT.
- Låta handlar om kjærleik seier Jonas. Som vil at vi spesielt skal lytte til teksten og linjer som:
"You are my car keys" og " Blue skies are so blue" som definitivt fangar interessen.
- Det skal få deg til å tenke på ting som er viktige for deg i kvardagen seier den blide vestleningen. Sjølv lar han seg inspirere av folk rundt han. Og dei to t-ane i låttittelen står for kompis og medmusikant Tommy og den andre for kjærasten hans Tonje.
- Det var desse folka eg hadde mest med å gjere då eg skreiv låta forklarar Jonas.
Ukas Urørt for andre gang
Jonas Nielsen er ikkje ukjent for Urørt-redaksjonen. Han har også vert Ukas Urørt saman med bandet sitt Kakkmaddafakka.
- I Kakkmaddafakka blandar vi alle dei ulike musikkstilane vi likar, men i Jones Nielsen er det berre meg ler Jonas.
Jonas Nielsen er ein del av Bergen mafiaen, eit samansveisa og samkøyrt artistnettverk i byen. Men også labelen til Fakkmaddafakka.
Og sjølv om han i det siste har høyrt mest på seg sjølv, lyttar han mykje til kompisen Matias Tellez som Urørt kåra til Årets Urørt i februar.
Gir kanskje ut singel
Ettersom Jonas har flytta til Oslo er han ikkje heilt sikker på kor soloprosjektet Jones Nielsen går. Men han vil gjerne spele inn ei låt til, så det blir kanskje ein singel.