Urørt meiner:
Låta Water from Stone startar roleg som ein påskemorgon, men held fram som eit vondt og uheldig fall i salåmbakken.
Dette er hi-fi. Liten tvil om at bergensbandet Aviendha har høyrt på og liknande: seig metal frå øvste hylle i garasjen. Vidunderleg lyd, eigenart og oppfinnsomheit gjer bandet lett å velje til Ukas Urørt.
Ikkje metal men tungrock
Aviendha
Aviendha er fire menn frå Bergen og Haugesund; Ørjan Støldal Isaksen - gitar, Torkjel Landås - vokal, Ørjan Salvesen Haukaas - bass og Øyvind Strand - trommer.
Bandet seier sjølv dei prøver å skape ei prærie-stemning og ber lyttarane spesielt om å legge merke til stemningsskriftet som finn stad ca. 3 minuttar inn i låta. Då brakar det laus. Men noko metalband likar dei ikkje å kalle seg, det er nok meir tungrock meiner Aviendha sjølv.
Kjekt at andre likar det vi gjer
Aviendha har spelt mykje live, mellom anna på Lost Weekend og som oppvarmingsband for Black Debbat. I desember 2007 kom Aviendha ut med sin tredje EP, As the Horizon Burns der ein altså finn Ukas Urørte låt: Water from Stone. I studio levde bandet mest på grandis, diverse anna frossenmat og ikkje minst kaffi. Det er slikt det blir tungrock av!
- Å bli Ukas Urørt er utruleg fett, seier Ørjan Støldal Isaksen då han og band- og namnekollega Ørjan Salvesen Haukaas besøker Siri Narverud Moen i Urørtstudio.
- Det betyr at vi gjer noko rett når andre likar det vi gjer, seier han.
Albumplanar
Urørt er sæleg imponert over lydbildet til det bergensbaserte bandet. Noko dei takkar produsent Rune Langhelle for. Aviendha vil også spele inn plate men først skal dei spele konsert under festivalen med det passande namnet:
Sjekk også ut videoen til låta Stigma på Youtube!
