Girl in reds gitar toppa auksjonen med heile 200.000 kr

Pengane går til Legar utan grenser og DNDi sitt arbeid for å gi livreddande helsehjelp og medisinar til menneske som treng det mest.

Denne saken er oppdatert med resultatene:

Signert gitar av Girl in red: 200.000 kr

Marie Ulven, kjent under artistnamnet girl in red er ein norsk vokalist, gitarist og låtskrivar. I år vart ho «Årets spellemann» og tok imot prisen av sjølvaste Billie Eilish. Ho auksjonerte bort ein signert gitar til TV-aksjonen.

EM-drakta til Karsten Warholm: 20.500 kr

Karsten Warholm auksjonerte bort gulldrakta han løp med under EM i år. Med deg på kjøpet får du det originale startnummeret og ei piggsko signert.

Gå til blimed.no for å sjå alle auksjonsobjekta.

Få Jan Thomas og Einar Tørnquist heim til deg: 60.000 kr

Fire år er gått sidan Jan Thomas og Einar møtte kvarandre i eit podkaststudio for å finne ut om dei to kunne bli venar. Resten er historie! I år kunne du, vennegjengen, familien din eller jobben din by på ei heilt eigen live podkastepisode av «Jan Thomas og Einar blir venner».

Siv Jensens leppestiftkjole: 20.000 kr

Har du drøymt om å ha på deg leppestiftkjolen til Siv Jensen og rope «Morna, Jens!»? Siv Jensen auksjonerte bort kjolen ho brukte under det som ofte er omtalt som eit av dei mest ikoniske augeblikka i norsk politikk!

Rappeller ned Munchmuseet: 21.250 kr

Er du glad i høgder? Eller spenning? Eller begge delar? I år var det moglegheit til å by på denne spektakulære opplevinga. Rappeller ned Munchmuseet med éin du gjerne vil dele opplevinga med.

Else Kåss sine rosa crocs: 35.250

Else Kåss auksjonerte bort sine rosa crocs for fjerde gong! Den fyrste gongen, i 2019, angra ho seg, og vann dei tilbake for 10.000 kr. I 2020 og 2021 la dei ut på ein ny auksjons-tur og i fjor vart dei seld for 40.000 kr.

Tur for to personar med seglskipet Christian Radich: 30.000

Christian Radich auksjonerte bort siste etappe på regatta i Tall Ships' Races 2023 og etterfesten i Arendal. I Tall Ships' Races konkurrerer seglskip frå heile verda. Siste etappe går frå Lerwick på Shetland til Arendal, og de er med som mannskap. Kunnskap om segling er ikkje nødvendig.

Signert køyredress av Dennis Hauger: 32.250 kr

Den norske verdsmeisteren i formel 3 auksjonerte bort ein signert køyredress til årets TV-aksjon. Hauger, som for tida konkurrerer i formel 2 for Prema Racing, understrekar at dette er ei drakt han har blødd, sveitta og tåra i.

Signert US Open-racket og panneband frå Casper Ruud: 70.000 kr

Casper Ruud er den høgst rangerte norske tennisspelaren gjennom tidene, og ligg nå på tredjeplass på verdsrangeringa – berre slått av Carlos Alcaraz og Rafael Nadal. I år auksjonerte han bort racketen og pannebandet han brukte under årets US Open-finale.

Eit 100 år gammalt oliventre: 18.000

Eit 100 år gammalt oliventre frå Italia blir auksjonert bort. Den har garantert opplevd mykje i løpet av sitt lange løp, blant anna har den pryda scena i Stavanger Konserthus ved fleire anledningar.

I tillegg inneheldt auksjonen intimkonsert med Lars Bremnes, dessertkurs for to personar med Pascal, bordtenniskamp med bordtenniskameratene. Sjå kva det gjekk for på auksjonen.no.