NRK Meny
Normal

Trygg på to hjul

- Ein motorsyklist blir aldri utlært. Det seier Gaute Bleie, leiar i Norsk Motorcykkel Union (NMCU) avdeling Hordaland. Sjølv om han har køyrd motorsykkel i mange år, startar han kvar sesong med ”avrusting” på øvingsbane før han legg ut i trafikken.

 

Gaute Bleie, leiar i Norsk Motorcykkel Union avd. Hordaland.

Sjølv om han er ein erfaren motorsyklist, startar Gaute Bleie kvar sesong med «avrusting» på øvingsbane.

Foto: NRK

Norge Rundt, NRK 1, fredag 1. juni kl. 1930.  

 

Medlemmar frå NMCU Hordaland på øvingsbana.

Det blir arrangert oppfriskingskurs for både ferske og erfarne motorsyklistar.

Foto: NRK

- Motorsykkelen står i garasjen nesten halve året. Derfor er det viktig å trene seg opp att, å få sykkelen i kroppen igjen når sesongen startar, forklarer Bleie. I samarbeid med andre arrangerer Norsk Motorcykkel Union NMCU køyrekurs for både ferske og erfarne motorsyklistar.

«Blinde» bilistar

Kvart år blir mange motorsyklistar skadd i ulykker. I 8 av 10 kollisjonar mellom motorsykkel og bil, har ikkje bilføraren sett motorsykkelen.

- Vi har vore borte frå vegane i nesten eit halvår, bilistane er avvent med å sjå oss i trafikken, seier Bleie. Dette må motorsyklistane vere klar over. Dei kan aldri rekne med at ein bilist som skal ut i vegen, eller skifte felt, har sett sykkelen.

 Kjem fort  

 

Motorsyklistar på tur.

Det er vanskelegare å vurdere farta til ein motorsykkel enn til ein bil.

Foto: NRK

- Mange ulykker skjer fordi bilføraren trur han rekk å svinge ut i vegen før sykkelen når fram, seier Bleie. Det er vanskelegare å vurdere farta til eit lite køyrety som ein sykkel, enn det er for ein bil. Motorsyklisten kjem ofte mykje fortare enn det ser ut til, sjølv utan å halde spesielt høg fart. Då er det inga hjelp i å ha retten på si side: Motorsyklisten er alltid den svakaste parten i kollisjonar med bil.

Vaksne førarar   

 

Programleiar May Britt Haukås på motorsykkel.

Programleiar May Britt Haukås har ikkje sertifikat for motorsykkel, men syns det er kjekt å få prøvesite ein sykkel.

Foto: NRK

Det er ein myte at det er flest unge som køyrer motorsykkel. Svært mange er vaksne, ferdige med småbarn- og etableringsperioden, og med tid og råd til å ta opp att hobbyen. Men det har skjedd mykje i utviklinga av motorsyklar berre dei siste 10-20 åra. Ein stor motorsykkel i dag har heilt andre krefter enn ein like stor sykkel for nokre år sidan.

- Derfor er det lett å overvurdere eigne kunnskapar og undervurdere sykkelen. Det kan bli fatalt i ein pressa situasjon, seier Bleie, som anbefaler alle motorsyklistar å ta oppfriskingskurs.

Glede   

 

Motorsyklist Marianne Raknes.

Marianne Raknes tok motorsykkelsertifikat for å imponere brørne sine i 1992.

Foto: NRK

Marianne Raknes tok motorsykkelsertifikatet tidleg på 90-tale, på impuls for å imponere dei to eldre brørne sine. Men ho har aldri angra. Ikkje minst etter turen på legendariske Route 66 i USA er ho hekta.  

 

Marianne Raknes i farta på motorsykkelen.

Marianne Raknes på sin Honda Valkyrie.

Foto: NRK

- Det er fridomskjensla, det å kjenne vinden mot kroppen, kjenne luktene, å kome nær naturen som gjer sykkelkøyring så spesielt, seier ho. Og så er det det sosiale: Motorsyklistar helsar alltid på kvarandre. Om ein får problem og må stoppe, er det alltid hjelp å få.

- Då er det berre å vinke til den neste som kjem forbi. Han stoppar garantert for å høyre kva han kan bidra med, smiler Raknes.  

 

Motorsyklistar tek pause i vegkanten.

Køyring er kjekt, men det er pausene også. Motorsyklistar tek vare på kvarandre, og det sosiale er svært viktig.

Foto: NRK

 

Kulturstrøm

  • Kurt Nilsen flytter hjem til Bergen

    Kurt Nilsen gir opp Østlandet og flytter hjem igjen. Sangeren ønsker å reetablere seg i Bergen og styre karrieren herfra, skriver BT. Nilsen har bodd i Minnesund i to år sammen samboeren. I vår ble det brudd mellom de to. Nå ser han frem til å turnere med julekonserter rundt om i Norge.

    kurt 3
    Foto: Håkon Mosvold Larsen / NTB scanpix
  • Støre: – 22. juli ble et begrep

    – For sju år siden ble 22. juli et begrep i vår historie, med alt den dagen rommer av lidelse, smerte og sorg, sa Ap-leder Jonas Gahr Støre i sin tale på Utøya.

    Minnemarkering på Utøya 22. juli.
    Foto: Terje Bendiksby / NTB scanpix