Underhaldningsprogram har sidan 90-talet vore ein viktig arena i den amerikanske presidentvalkampen. Programma har ofte betre sjåartal enn nyheitene, og andre sjåarar. Ved å stille opp i desse programma, kjem presidentkandidatane i kontakt med store veljargrupper dei elles kanskje ikkje ville møtt.
– Kandidatane får gratis reklame ved å stille opp i slike program. Dei kan vise nye sider av seg sjølv, og når ut til mange, seier Henrik Østensen Heldahl frå nettstaden amerikanskpolitikk.no.
Unngår Trump
Ein annan grunn til at kandidatane ofte stiller opp i underhaldningsprogram, er at desse programma ofte har ei snillare form med mindre konfrontasjon. Men etter fleire kontroversielle utspel, og den mykje omtalte videoen der han skryter over at han kjenner på kvinner han møter, har han gjort det vanskeleg for seg sjølv å bli invitert til slike show, meiner høgskulelektor Ketil Raknes ved Høyskolen Kristiania, som også følger USA-valet tett:
– Det vil vere vanskeleg å invitere Trump til eit talkshow utan å konfrontere han med dei kontroversielle tinga. Ein vert som hadde gjort det, hadde fått massiv kritikk om han hadde unngått dei vanskelege tema. Trump har difor langt på veg sagt frå seg ein viktig arena for veljarkontakt.
- Les:
- Les:
I september gjesta Donald Trump talkshowverten Jimmy Fallon. I etterkant fekk Fallon kritikk for ikkje å ha stilt kritiske spørsmål, og for at han rufsa til håret til Trump:
I tillegg medverka Trump i ein sketsj:
Clinton starta trenden
Bill Clinton endra amerikansk valkamp då han i 1992 spelte saksofon og blei intervjua i talkshowet til Arsenio Hall. Det var få som meinte guvernøren frå Arkansas hadde særleg sjanse til å i valkampen. Men etter programmet gjorde den sjarmerande Clinton det langt betre på meiningsmålingane.
Og no er det Hillary Clinton som stiller på dei mange underhaldningsprogramma på nett og tv. Som då ho nyleg gjesta Ellen:
Ho har også gjesta showet til Jimmy Fallon like etter at ho måtte avbryte 11. september-markeringa i New York på grunn av sjukdom:
Tidlegare var ho også med i ein sketsj i humorprogrammet Saturday Night Live, der ho spelte bartender i ein sketsj.
Meiningsmålingane viser at begge dei to presidentkandidatane er dei mest mislikte kandidatane nokon sinne. Ved å delta i humorprogram, prøver dei å setje seg sjølve i eit betre lys.
– Slik valkampen har blitt no, blir det stadig viktigare for Clinton å vise seg fram som ein kandidat som også republikanarane som ikkje vil stemme Trump kan godta. Så får vi sjå kor godt ho lukkast med det, seier Raknes.
Les: