Trøtt og sliten?

Det har vore ein dårleg sommar dei fleste stadar i landet, og mange hadde nok satsa på ein sommar med sol og varme, og når sommaren då kom blei dei sittande fire veker innestengt i ei hytte med øsande regn. Då er det nok mange som har blitt skuffa og kanskje kjenner seg litt nedpå.

- Men eg trur vi stortsett greier å handtere ein regntung sommar, meiner lege Trude Fixdal.

Stort ord

Det er mange som kanskje vil seie at dei blir deprimert på hausten, men ordet haustdepresjon er kanskje litt for lett å bruke.

- Det fins ei diagnose som har med sesongdepresjonar å gjere, vinterdepresjon, og det er kriterier for det. Då er ein depremert, sover lenge, et mykje, øker ofte i vekt, har mange triste tankar, er energifattig, sjeldan i godt humør osv. Desse symptoma kjem om hausten og forsvinn i mars/april, forklarar Trude.

Det er forskjell på "vanleg" depresjon og haustdepresjon.

- Det er to forskjellege ting. Dei fleste av oss er ikkje ordentleg deprimerte. Då denne diagnosa kom på 80-talet tenkte ein at det ville vere ei diagnose som mange i denne delen av verda har, fortel Trude.

Men slik var det altså ikkje.

- Ein islandsk psykiater som gjorde eit stort studie på Island fann ut at det var så lite som 3,8 % av befolkninga som hadde denne diagnosa. Dei som ikkje takla mørket flytta, og dei som blei igjen takla det bra.

Kun 10 %

Rundt 10 % av befolkninga er deprimert, og då er det snakk om mild depresjon og det er ikkje meir her enn i andre delar av verda.

Råd

- Vi går alle litt i dvale om hausten. Vår biologiske klokke blir påverka av lys. Nokre av oss blir litt trøttare og har ikkje så mykje energi, og det er heilt naturleg, forklarar Trude.

Men det er ein del ting ein kan gjere for å gjere hausten og vinteren litt lysare, eller i alle fall enklare fortel Trude.

- Ein kan gjere hygglege ting. Som å ete god mat, mosjon er fint, legge seg på same tid og stå opp igjen på same tid, ta pauser i kvardagen, tenne litt searinlys osv.

Lyslampe

Lyslampe kan fungere meiner Trude.

- Det er noko i det, den bør brukast om morgonen, og bruk kraftig nok lys.

Nett-TV: Sjå innslaget i Frokost-TV