Hopp til innhold

Ti år sidan første homoekteskap

Det var første gong to bruder gifta seg med kvarandre. Helene Faasen og Anne-Marie Thus gjekk ned kyrkjegolvet og inn i historia som det første lovlege vigde lesbiske ekteparet.

Det første homofile ekteparet

Helene Faasen og Anne-Marie Thus ventar på å bli vigde som det første lesbiske ekteparet nokon sinne. Ved sidan av eit par brudgommar som gifta seg den same dagen, 1. april 2001 i Amsterdam.

Foto: MARCEL ANTONISSE / Afp

Helene Faasen

Helene Faasen heime med hunden sin, i huset ho deler med kona Anne-Marie Thus og dei to barna deira.

Foto: ANOEK DE GROOT / Afp

Det er ti år sidan i dag, 1. april. Det hollandske paret seier dei gifta seg av kjærleik, ikkje av politiske grunnar.

– Men vi var sjølvsagt klare over at det var ein historisk augneblink, seier Anne- Marie Thus, 41 år, i eit intervju med nyheitsbyrået AFP.

I 2001 var Nederland det første landet som legaliserte ekteskap mellom folk av same kjønn. Det gjorde det mogleg for Thus og kona Helene Faasen å gå nedover kyrkjegolvet i Amsterdam 1. april det året.

Har to barn

Kledd i kvite, tradisjonelle brudekjolar gifta dei seg samtidig med tre par brudgommar, framfor dåverande borgarmeister Job Cohen.

– Ved å gifte oss framfor verdspressa ville vi få folk til å tenkje på kor forferdeleg det er å bli nekta noko som er ein naturleg rett for andre, seier 44 år gamle Helene Faasen.

Paret møtte kvarandre på blinddate i 1998. I dag har dei to barn, Nathan, ti år, og Myrthle, ni år. Thus vart befrukta av anonyme spermdonorar og fødde barna.

(Artikkelen held fram under biletet)

Nathan og Myrthle

Det lesbiske ekteparet har to barn, Nathan på ti år og Myrthle på ni år.

Foto: ANOEK DE GROOT / Afp

15.000 lesbiske og homofile har gifta seg

Ifølgje Faasen er det heilt normalt for barna å ha to mødrer.

– Dei aksepterer dette som eitt av fleire alternativ som eksisterer. Det einaste sonen vår har hatt å utsette på det, er at han må gjere dobbelt så mykje arbeid på morsdagen, seier Faasen til AFP.

Sidan giftarmålet deira i 2001 har 15.000 homofile og lesbiske par gifta seg i Nederland. Det utgjer cirka to prosent av alle ekteskap i landet.

254 par av same kjønn gifta seg i Noreg

Etter at det vart lovleg med lesbiske og homofile ekteskap i Nederland følgde Belgia, Spania, Canada og Sør-Afrika etter, før det vart Noreg sin tur. I byrjinga av 2009 vart den norske ekteskapslova endra, og homofile par kunne gifte seg og adoptere barn. Lesbiske par fekk også lov til å bli kunstig befrukta.

I fjor gifta 264 par av same kjønn seg i Noreg, ifølgje Statistisk Sentralbyrå. Det er cirka éin prosent av alle som gifta seg. Av desse var 97 par menn, medan 167 var kvinnelege.

Berre 68 par, mot 658 par i 2009, gjorde om partnerskapet sitt til ekteskap i det andre året med ny ekteskapslov.

(Artikkelen held fram under biletet)

Det første homofile ekteparet

Helene Faasen og Anne-Marie Thus jobbar som notarar på dette kontoret. Dei kjempar for at andre homofile i verda skal få same rettar som dei.

Foto: ANOEK DE GROOT / Afp

Straffbart i mange land

Men ekteskap mellom homofile er framleis ulovleg i mange land, og sex mellom homofile er forbode og straffbart somme plassar. I Iran er det dødsstraff for dette.

– Om du er homofil, så bryr heile verda seg om privatlivet ditt, sjølv om du ikkje er interessert i noko sært eller skremmande. Det er fordomsfullt, seier Helene Faasen.

Det første lesbiske ekteparet vil markere tiårsjubileet 1. april ved å vere med på ei offentleg fotoutstilling i Amsterdam.

– Vi var heldige at andre hadde tatt opp kampen før oss og gjort det mogleg for oss å gifte oss. Dersom andre folk treng oss no, spesielt i land der det enno ikkje er lovleg å vere homofil, vil vi gjerne vere der for dei, seier Thus.

Førre veke skreiv 85 land under på eit FN-dokument som krev at homofili blir avkriminalisert. Aktivistar som kjempar for homofile sine rettar har dermed fått eit nytt instrument å bruke i kampen sin.

Innholdet som skulle vises her støttes dessverre ikke lenger.
Innholdet som skulle vises her støttes dessverre ikke lenger.

Kulturstrøm

  • Sangtekster har blitt enklere, mer repeterende, aggressive og selvopptatte

    Et team av europeiske forskere har analyserte ordene i mer enn 12.000 engelskspråklige sanger, på tvers av sjangrene rap, country, pop, R&B og rock fra 1980 til 2020.

    Ifølge studien, som ble publiser torsdag, har sangtekster blitt enklere og mer repeterende. Tekstene har også blitt mer aggressive og selvopptatte i løpet av de siste 40 årene, skriver The Guardian.

    En av forskerne bak studien, Eva Zangerle, understreker at sangtekster kan være et «speil av samfunnet», som gjenspeiler hvordan en kulturs verdier, følelser og opptatthet endrer seg over tid. Studien trakk ikke frem hvilke artister funnene gjaldt.

    Sangtekster
    Foto: AP
  • Harvard fjerner bokomslag laget av menneskehud

    Prestisjeuniversitetet Harvard sier de har fjernet menneskehud fra innbindingen av en bok de har hatt i ett av bibliotekene sine i over 90 år.

    I 2014 ble det oppdaget at en bok var bundet inn med huden til en død kvinne.

    Harvard, som regnes som det eldste universitetet i USA, har tidligere utnyttet interessen rundt bokens morbide historie. Da det ble oppdaget at det var brukt menneskehud i innbindingen ble det omtalt som «gode nyheter for både tilhengere av innbinding med menneskehud, bokfantaster og kannibaler». I et blogginnlegg samme år skrev Harvard at praksisen med å binde bøker i menneskehud tidligere hadde vært forholdsvis vanlig.

    (NTB)