Sykehusklovnene: – Vi må ta klovnen tilbake

– «Skremmeklovnane» får ikkje øydelegge for 15 år med viktig arbeid, seier Kristin Zachariassen.

Sykehusklovner

JUBILEUMSKLOVNER: Sykehusklovnene fyller 15 år og feirar med parade utanfor Rikshospitalet, der alt starta for 15 år sidan.

Foto: Anja Strønen / NRK

Med klovneparade feira Sykehusklovnene 15 års jubileum på Rikshospitalet i Oslo fredag ettermiddag.

Tidspunktet for klovnejubileet er ikkje spesielt godt. Den siste veka har truande klovnar, som skremmer barn og vaksne med skumle klovnemasker, erobra klovneverda og klovne-Norge.

– Kallar dei ikkje klovnar

Tidlegare i veka melde Sykehusklovnene at dei vurderte å avlyse den planlagde paraden, fordi dei ikkje ønsker å skremme folk. Men dei ombestemte seg raskt.

– Fenomenet med skremmeklovnar har ingenting med oss å gjere, vi kallar dei ikkje klovn ein gong, seier dagleg leiar Kristin Zachariassen i Sykehusklovnene.

– Vi må ta klovnen tilbake, seier ho.

Killer clown

«KILLER CLOWN»: Truande klovnar har skremt barn og vaksne i nær alle landets fylke den siste veka.

Foto: Ruud, Vidar / NTB scanpix

Fenomenet, som hadde sin spede start i Sør-Carolina i USA i august, har spreidd seg raskt, mykje takket vere sosiale medium som Facebook og Snapchat.

Dei fleste som har kledd seg ut som «killer clowns» har berre vore ute etter å skremme folk, men nokon har også hatt våpen, eller våpenliknande gjenstandar med seg.

Den siste veka er det meldt om truande klovnar i blant anna i Østfold, Møre og Romsdal, Oslo og Finnmark.

Men sjukehusklovnar er noko heilt anna, ifølge dei sjølve. Dei brukar ikkje masker, berre ein raud nase og sminke, og dei ser søte og snille ut.

– Målet er at klovnane skal skape eit pusterom for sjuke barn. Dei skal vere eit positivt kræsj i ein elles kvit og steril kvardag på sjukehuset, seier Zachariassen.

– Stoppar ikkje oss

Det var på Rikshospitalet det heile starta for 15 år sidan. Tove Karoliussen grunnla Sykehusklovnene i 2001.

– Dette er ein gledas dag for oss. Vi er tilbake her på «Riksen» der alt starta for 15 år sidan. Eg blir heilt rørt av å sjå alle klovnane mine samla, seier Zachariassen.

– Det at noko herjar rundt å skremmer små barn, det har ikkje stoppa arbeidet til sykehusklovnene?

– Det har vel klart å flytte fokuset litt i ein liten periode nå, men vi har valt å flytte fokuset tilbake. Det viktige arbeide som vi gjer på sjukehuset kvar dag, det har det ikkje hatt noko innflytelse på, seier Zachariassen.

Kulturstrøm

  • Slik blir Kim Friele-skulpturen

    Kunstner Lina Viste Grønli skal lage skulpturen til ære for Kim Friele, Norges første åpent homofile. Grønli vant konkurransen som er første i en satsing for å få flere kvinner på sokkel i Bergen. Skulpturen er formet som tre benker med bokstavene KIM, og er en referanse til at Friele i sin ungdom satt på en benk og speidet etter andre homofile.

    Skisse av tre benker formet som bokstavene KIM som skal settes opp i Bergen
    Foto: Bergen kommune / Linda Viste Grønli
  • Brita Blomquist er død

    Brita Blomquist er død, 88 år gammal. Blomquist var journalist og jobba i NRK i 25 år. Den tidlegare programleiaren var frå Oslo, men har sidan 1994 budd i Ålesund.

    Brita Blomquist
    Foto: Terje Reite / NRK
  • Jimmy Lais selskap stiger 788 %

    Jimmy Lais medieselskap Next Digital har steget kraftig på børsen etter pågripelsen av ham mandag. Selskapet har steget 788 prosent, ifølge nyhetsbyrået AFP. Pågripelsen av demokratiforkjemperen anses som en trussel mot Hongkongs pressefrihet.