Det gjeld Klas Östergren, Kerstin Ekman, Lotta Lotass og Sara Stridsberg. Stridsberg og Östergren bad om å få slutte under den noverande krisa i Svenska Akademien, medan Kerstin Ekman bad om å få slutte alt på slutten av 1980-talet.
Det gjorde ho i protest mot måten Svenska Akademien handterte bråket rundt forfattaren Salman Rushdie.
Ingen litteraturpris i år
Lotta Lotass forlèt Svenska Akademien for eit par år sidan. Årsaka var at ho ikkje kjende seg heime i miljøet rundt Akademien. Ho hadde blant anna fått kritikk for ikkje å ha vore aktiv nok i det sosiale livet.
Fire medlemer har avslutta arbeidet i Akademien, men dei har ikkje bede om å få gå ut. Det er Kjell Espmark, Peter Englund, Sara Danius og Katarina Frostenson.
Fungerande sekretær i Svenska Akademien, Anders Olsson, seier til SVT at dei no har fullt fokus på å få inn nye medlemer i rådet.
Svenska Akademien består av 18 medlemer, som blant anna avgjer kven som skal tildelast Nobelprisen i litteratur. På grunn av all uroa .
Store skandalar
Svenska Akademien har dei siste månadene vore prega av fleire store skandalar, og bråket har vekt stor internasjonal verksemd. Dette mykje fordi nobelprisen i litteratur blir rekna som den mest prestisjefylte i verda.
Det har vore rekna som ei stor ære å bli tilboden medlemskap i Akademien, og dei 18 medlemene har høgtideleg blir kalla «De Aderton». Berre forfattarar og andre litteratar kan blir medlemer.
