– Deltakarane blir kanskje bedt om å dra på drøyare oppdrag enn i fjor, men vil dei ikkje, så blir dei sjølvsagt ikkje tvinga til noko, seier prosjektleiar i «Trekant», Åslaug Sem-Jacobsen, til NRK.no.
TV-programmet går inn i sin andre sesong, og fristen for å melde seg på som deltakar er sett til søndag 22. mai.
- Meld deg på
Nytt av året er at dei som blir trekt ut skal få oppgåver knytt til tema som blir tatt opp.
Marie Kinge på audition i 2010. Ho var ein av dei som vart trekt ut blant 300 til å vere programleiar for 'Trekant' første sesong.
Foto: NRK– Det betyr jo at dei må vere med på meir. Dei får sjølvsagt ikkje lov å ha sex foran kamera, men eg trur nok det blir meir onanering denne sesongen, seier Sem-Jacobsen.
Aktuelt å inkludere porno
I fjor fekk deltakarane lære om pornostillingar, noko som vekte debatt. I år blir det vurdert å lage eit heilt program om porno. Også analsex er eit aktuelt tema som kan bli tatt opp.
– Dette er tema som målgruppa er opptatt av og blir eksponert for. «Trekant» handlar om å normalisere sex, men det er også viktig for oss å poengtere kva som er verkeleg og kva som ikkje er det. Mange unge trur at ein må ha analsex eller at røynda er slik som på pornofilm, seier Sem-Jacobsen.
Programmet vil også fokusere meir på grensesetting og refleksjon rundt tema som blir tatt opp i år.
– Botnlinja er at sex er gøy og bør utforskast, men at det er viktig å kjenne på eigne grenser, fortel Sem-Jacobsen.
(Artikkelen held fram under biletet)
Thomas Aløbertsen Dahlen skjuler seg bak denne maska. Dei som tek over etter han og dei to andre programleiarane kan få enda drøyare oppgåver.
Foto: Tom Øverlie / NRK P3– Bør vere utadvendte
360 personar kan tenkje seg å bli ein av dei nye programleiarane. I fjor var det rundt 300 søknadar, og dei siste dagane før fristen kom det 100 søknadar på rappen. Difor forventar dei castingansvarlege fleire søknadar fram mot fristen.
– Vi ser etter oppegåande, jordnære ungdommar som ikkje er redde for å by på seg sjølve. Dei bør vere utadvendte, nysgjerrige, ha sjølvinnsikt og vere interessert i å kjenne på eigne grenser i jakta på kunnskap om sex, seier castingansvarleg Jennifer Bråthen til NRK.no.
- Les:
- Les:
Ho fortel at fleire av søkjarane i år gir tilbakemelding om at dei er veldig nøgde med første sesong av «Trekant» og fleire meiner dei har fått eit betre forhold til seg sjølve og sitt eige sexliv etter å ha sett på.
Programmet skapte stor debatt då det vart sendt på NRK3 i vinter, men vann Gullruten for «Beste reality» og «Beste nyskapning» nyleg.
(Artikkelen held fram under biletet)
Trekant vann Gullruten for 'Beste reality'. Her mottar deltakarane Thomas, Marie og Pia prisen.
Foto: Marit Hommedal / SCANPIXLike mange gutar og jenter
– Foreløpig ser det ut til at det er like stor interesse blant både gutar og jenter uansett legning. Søknadane i år er tydeligare og ærligare enn i fjor, og søkjarane byr på seg sjølve både når det kjem til fantasiar, erfaringar, flauser og sorger, seier Bråthen.
Åslaug Sem-Jacobsen trur grunnen til at så mange har meldt seg på, tross i at terskelen er høgre i år, er at programmet tar for seg sex på ein seriøs måte. Ho trur også det har mykje å gjere med deltakarane som var med.
– Folk kunne identifisere seg med dei. Samtidig syntest det veldig godt at dei hadde mykje moro saman, seier ho.
Aldersgrensa er 18 til 25 år, både gutar og jenter av alle legningar kan søkje, men det er eit krav at du er singel.
- Sjå alle episodene frå sesong 1 her
