Stephen Hansen tok folket med storm

Det var smil, latter og tårer då det blei avgjort at Stephen Hansen og Hemsing-søstrene får ein plass i semifinalen.

- Dette er heilt fantastisk, sa alle tre nesten i kor etter sendinga.

Etter at pengane blei fordelt på laurdag var det jubel på scena då det gjekk opp for Stephen Hansen og Hemsing-søstrene at dei faktisk skal til semifinalen.

- Vi har tenkt på to forskjellege stykker som kanskje kan passe, men no må vi verkeleg tenke, fortel søstrene som vi no altså skal få sjå igjen i semifinalen.

Mykje pengar

Det blei delt ut rekord-mykje pengar denne laurdagen. No blir det studium for både Stephen Hansen og Hemsing-søstrene, men dei andre deltakarane fekk og mykje pengar med seg heim.

Slik blei pengane fordelt:

Stephen Hansen : 97 100 kroner

Hemsing-søstrene : 81 600 kroner

Fredrik Strand Halland : 71 000 kroner

Sofie Bjerketvedt : 40 000 kroner

Lars og Stian : 37 600 kroner

Allereie no kan du sjekke ut kven som skal opptre hos Dan Børge Akerø neste laurdag.