til Stephen kan ein sjå han synge "Piano" av Trevor Nunn og Andrew Lloyd Webber, og oversatt av Roberto Ferri. På laurdag skal han framføre "Nessun Dorma" av Giocomo Puccini.
Debuterte
Første gong Stephen sto på scena er ikkje så lenge sidan, men samtidig ganske lenge sidan. Det er berre sju år sidan Osloguten byrja å synge, men eit år etter sto han på scena som Jesus i Jesus Christ Superstar.
- Før det hadde eg berre sunge på juletrefest to gongar som born, men aldri for meir enn 30 menneske.
Men når Stephen først fekk smaken på songlivet klarte han ikkje å slutte.
- Ettersom eg byrja seint har eg prøvd å ta igjen det tapte ved å vere like nysgjerrig på alt. Men dei siste åra har eg forelska meg i operalitteraturen.
JA!
Med sin vakre stemme har Stephen blitt invitert til å vere med på mykje, han har sunge i mange forskjellege samanheng. Ein gong var kanskje litt meir spesiell enn dei andre, på ein ganske spesiell måte.
Det skjedde i Stockholm, då Stephen song i eit bryllaup. Presten spurte brudgommen: Vil du ha denne kvinna som hos deg står?
- Eg var så rørt av situasjonen der eg sto klar til å synge at eg med høg stemme svarte; JA!. Eg lista meg stille ut etter bryllaupet.
Kva vil du bruke pengane du vinn til?
- Eg drøymer om å få råd til å kunne ta meg ei toåring operautdanning. Slik at eg kan synge Cavaradossi, Rudolfo eller prinsen i Turandot.
På gøy med Stephen:
Kva er det mest sære du kan finne på når du har ein fridag?
- Eg elskar å kjøre trikk, eit par timar på ein sundag er fantastisk!
Kva er den raraste sommarjobben du har hatt?
- Eg har vore dansande cowboy på Tusenfryd.
Kva slags Disneyfigur ville du helst vore?
- Den tjukke av kokkane som syng opera og serverar Lady og Landstrykaren spagetti og kjøtbollar.