«Marvin» frå «Jul i Svingen»: – Rykta om min død er betydeleg overdrivne

Ein video som hevdar at skodespelaren Anders Mordal er død, har blitt spelt av nær 200.000 gonger på TikTok.

Anders Mordal - Marvin

JUL I SVINGEN: Anders Mordal spelte Marvin i «Jul i Svingen». Han jobbar til vanleg på Nationaltheatret.

Foto: NRK

– Eg kan stadfeste at rykta om min død er betydeleg overdrivne, seier Mordal til NRK laurdag kveld.

Videoen med ulike bilete av skodespelaren har blitt delt over 2000 gonger på sidan fredag.

Mordal fortel at han har fått mange meldingar frå bekymra familie og vener.

Han forsikrar om at han ikkje har gått bort – og at han heller ikkje har vore alvorleg sjuk slik det blir hevda i nettvideoen.

– Har det veldig bra

– Eg har det veldig bra, så eg får vel heller seie god jul til alle eg kjenner og den som har spreidd slike rykte, seier Mordal.

Han har vore fast tilsett ved Nationaltheatret sidan 1997. Før det var han tilsett med Den Nationale Scene i Bergen.

I 2010 fekk han Heddaprisen for rolla som doktor Stockman i Ibsen-stykket Ein folkefiende.

Men mest kjend for folk flest blei han då han spelte rolla som Marvin i barne-TV-serien «Linus i Svingen» i 2004 og ikkje minst i den svært populære julekalender-serien «Jul i Svingen» i 2006.

Falsk dødsvideo på TikTok

Falsk video. Skodespelaren Anders Mordal er ikkje død, slik det blir hevda i ein video på TikTok.

Foto: Skjermdump TikTok

– Kjenner seg igjen

Då NRK intervjua han i 2013, var han glad for å spelt rolla som pappaen til Linus i seriane.

– Både barn og vaksne tykkjer Marvin er ein artig figur, og mange fedrar kjenner seg igjen i han. Han er veldig barnsleg, så andre fedrar meiner også at dei er litt barnslege, sa Mordal.

Fleire år etter likte han framleis godt å sjå på «Jul i Svingen» som vanleg sjåar.

– Det er så mange fine historier, som er veldig godt skrivne. Eg lar meg rive med, sa Mordal i 2013.

NRK har ikkje lukkast med å få kontakt med TikTok-brukaren som har laga og spreidd den falske videoen.

Brukaren hevdar at han kjenner familien til skodespelaren og det er noko han refererer til i kommentarfeltet til videoen.

Kommunikasjonssjef Ida Margreta Halvorsen hos Nationaltheatret var ikkje klar over ryktespreiinga.

– Vår fantastiske skodespelar lever heldigvis i beste velgåande, seier Halvorsen.

Kulturstrøm

  • Microsoft kjøper spillgigant til 600 milliarder kroner

    Teknologigiganten Microsoft kjøper spillselskapet Activision Blizzard, opplyser de i en pressemelding.

    Prisen er på svimlende 69 milliarder dollar, som tilsvarer rundt 600 milliarder kroner.

    Activision Blizzard utvikler spill som Call of Duty, Guitar Hero, World of Warcraft og CandyCrush.

    Det siste året har spillselskapet mottatt anklager om seksuell trakassering og diskriminering av kvinnelige ansatte. I juli i fjor ble selskapet saksøkt i California.

    Ved oppkjøpet blir Microsoft den tredje største spillaktøren i verden, bak Sony og kinesiske Tencent.

    Microsoft står bak spillkonsollen Xbox, som sammen med Playstation, Nintendo og PC utgjør de store gaming-plattformene i verden.

    FILE PHOTO: Gamers play Call of Duty: Black Ops 4 at the Paris Games Week (PGW), a trade fair for video games in Paris
    Foto: BENOIT TESSIER / Reuters
  • Spider-Man tilbyr perfekt eskapisme

    Etter flere uker med utsettelser er kinofilmen «Spider-Man: No way home» endelig premiereklar fredag 21. januar.
    Filmen viser seg å være verdt ventetiden og oppfyller alle krav til storslått underholdning med både kløkt og snert, skriver Filmpolitiets filmkritiker Birger Vestmo som gir terningkast 5.

    Et bilde av figuren Spider-man fra filmen "Spider-Man: No way home"
    Foto: SF Studios
  • Kvinnekamp til Kairo bokmesse

    Marta Breen er den første norske forfattaren som er invitert til å delta i det offisielle programmet på bokmessa i Kairo. Anledninga er at teikneserieboka ho har laga saman med illustratør Jenny Jordahl, «Kvinner i kamp – 150 år med frihet, likhet, søsterskap», er omsett til arabisk.

    Bokmessa i Kairo (CIBF) er den største og eldste bokmessa i den arabiske verda. Den trekkjer hundrevis av forlag frå hele verda og har rundt 2 millioner årlege besøkjande. CIBF går av stabelen 27. januar til 7. februar.

    «Kvinner i kamp» er seld til 28 land.

    Boka Kvinner i kamp på arabisk og forfatteren Marta Breen
    Foto: Cappelen Damm