Soundcloud startar betalingsteneste

Sidan starten i 2007 har Soundcloud vore ein netteneste der kven som helst har kunne laste opp musikken sin for å kunne presentere han for eit større publikum. For mange startar artistdraumen nettopp her. Dei har etter kvart innført betaling for enkelte avspelingar og reklame, skriv nyheitsbyrået AP.

Men i samband med at dei har signert avtalar med fleire store plateselskap, lanserer Soundcloud no ein eigen abbonementsteneste utan reklame. I tillegg har fleire store artistar som har vore kritiske til strøyming, som Taylor Swift, sagt gjeve grønt lys for den nye tenesta.

Stort musikkutval

I første omgang er tenesta, som skal koste frå 10 dollar i månaden, berre tilgjengeleg i USA, skriv The Guardian. Men Soundcloud kjem til å lansere tenesta i fleire land, etter kvart som dei får på plass avtalar. Dei håper at flest mogleg av dei 175 millionar brukarane deira skal velje å gå inn i eit abonnement.

• Les også: Norske populærkomponister tjener mest
• Les også: Apple gjør helomvending etter kritikk fra Taylor Swift

Soundcloud Go, som blir namnet på den nye tenesta, har 125 millionar spor tilgjengeleg for kundane sine. Det er rundt fire gongar meir enn det konkurrentar som Spotify og Apple Music har. Soundcloud seier det vil vere opp til den enkelte artisten om dei vil dele musikken sin gratis eller vil ta betalt.

– Vi har så vidt sett starten på strøyming av musikk. Og kaka kjem til å bli større over tid, seier ein av grunnleggarane av Soundcloud, Eric Wahlforss, til AP.

Trongt om plassen

Men kampen er alle reie hard. Spotify har i dag om lag 30 millionar betalande kundar, medan Apple Music har passert 10 millionar betalande brukarar på verdsbasis etter lanseringa i fjor. Medan Tidal, tidlegare Wimp, passerte tre millionar brukarar i dag. I tillegg kjemper tenester som Deezer og Youtube Red om strøymekundane.

• Les også: Tidal beskylder Apple for Drake-sensur
• Les også: Spotify satsar på video

Men Wahlforss er ikkje redd for å snakke opp Soundcloud Go, ifølge The Guardian:

– Dette er kanskje den mest ultimate strøymetenesta for musikk som nokon gong har eksistert.