Strandsniglar smakar ikkje så verst, kors på halsen. Dette er ei oppskrift for den som tørr der andre feigar ut.
Sniglepita og krabbeknask
En neve strandsniglar. Foto: NRK
Ingrediensar:
4 pitabrød
litt olje
4-5 salatblad
Kvitløk (for den som likar det)
Salt (kokt ut av sjøvatn)
Peppar
Tomatpuré
Ein god del strandsniglar
4-5 strandkrabbar
Det første du gjer er å sanka inn det du treng av strandsniglar og strandkrabbar. Dette er ein veldig koselig aktivitet, det er jo så mykje spanande liv rett rundt føtene når ein vassar rundt på den måten.
Krabbane må ikkje seigpinast. Foto: NRK
Eit stormkjøken er praktisk å ha. Fyll kjelen med sjøvatn, og kok opp. Når vatnet kokar, puttar du sniglane oppi, litt og litt. Pass på at vatnet kokar. Sniglane er levande dyr, og skal ikkje seigpinas! Det same gjeld krabbane.
Krabbane er ferdig når dei er kokt, legg merke til den fine raude fargen dei får. Dei kokte sniglane reinsar du ved å knusa skalet med ein stein. Mens du reinsar sniglane, lagar du saltet du skal bruka seinare. Fyll kjelen med sjøvatn på ny, og kok kjelen tørr. Det vil ligga salt igjen på botnen.
Finn fram ei steikepanne og ha i litt olje til steikinga, når panna er varm, har du oppi tomatpuré, sniglar, (kvitløk), peppar og salt. La det heile få surra på panna i fem minutt.
Bruk pitabrød som omslag. Foto: NRK
Legg eit salatblad i kvart av pitabrøda før du puttar oppi det herlege sniglefyllet! Strandkrabbane knaskar du i deg, utan noko meir dill-dall. Krabbane har så tynt skal at dei kan etast heile.
Fyllet kan også brukast på pizza og til pasta.