– Dette var noko vi gjorde berre for artig. Eg har gått under kallenamnet Mary i det siste, fortel Maria Brinch.
Ho er vikar på kostymelageret til NRK. Likskapen med rollefiguren Mary Crawley, spelt av Michelle Dockery, i «Downton Abbey» har vore ein snakkis blant kollegane lenge.
Dei gjekk difor saman for å få kollegaen heilt lik Lady Mary Crawley frå det populære britiske kostymedramet.
– Uerstattelege
Kjolen Maria har på seg er no stilt ut på kostymelageret saman med ein anna kjole.
Begge kjolane er originalar frå 1920-talet.
– Desse er verkeleg uerstattelege og vi tek vare på dei så godt vi kan. Dei er blant kostymelagerets store skattar, seier kostymedesignar Marit Sætren om dei nesten 100 år gamle kjolane.
Kjolen som Maria Brinch har på seg er laga av silke og må behandlast svært forsiktig, fortel ho.
– Silke er eit naturmateriale og er svært sårbart, det kan lett smuldre opp. Så desse kjolane kan vi ikkje leige ut, men dei er perfekte til ein fotoshoot, seier Sætren.
LES ÒG:
- George Clooney klar for «Downton Abbey»
- Finn én feil på dette «Downton Abbey»-biletet
- Norgesglasset om «Downton Abbey»