– Dette var noko vi gjorde berre for artig. Eg har gått under kallenamnet Mary i det siste, fortel Maria Brinch.
Ho er vikar på kostymelageret til NRK. Likskapen med rollefiguren Mary Crawley, spelt av Michelle Dockery, i «Downton Abbey» har vore ein snakkis blant kollegane lenge.
ATTENDE TIL 20-TALET: NRKs Maria Brinch til venstre, Mary Crawley frå «Downton Abbey» til høgre.
Foto: Jon Baastad / NRK/ITVDei gjekk difor saman for å få kollegaen heilt lik Lady Mary Crawley frå det populære britiske kostymedramet.
– Uerstattelege
Kjolen Maria har på seg er no stilt ut på kostymelageret saman med ein anna kjole.
Begge kjolane er originalar frå 1920-talet.
– Desse er verkeleg uerstattelege og vi tek vare på dei så godt vi kan. Dei er blant kostymelagerets store skattar, seier kostymedesignar Marit Sætren om dei nesten 100 år gamle kjolane.
Kjolen som Maria Brinch har på seg er laga av silke og må behandlast svært forsiktig, fortel ho.
– Silke er eit naturmateriale og er svært sårbart, det kan lett smuldre opp. Så desse kjolane kan vi ikkje leige ut, men dei er perfekte til ein fotoshoot, seier Sætren.
LES ÒG:
- George Clooney klar for «Downton Abbey»
- Finn én feil på dette «Downton Abbey»-biletet
- Norgesglasset om «Downton Abbey»
I SIVIL...: Slik ser Maria Brinch ut når ho ikkje er sminka attende til 1920-talet.
Foto: Marit Holmquist Fenne / NRK
... OG I KOSTYMEDRAMA: Maria Brinch i ein kjole frå 1920-talet frå kostymelageret til NRK.
Foto: Jon Baastad / NRK
SMYKKET: Nærstudie av smykket Maria «Mary Crawley» Brinch har på seg på bileta over.
Foto: Marit Holmquist Fenne / NRK
KJOLEN: Detalj frå den eine kjolen. Store delar av kjolane er handlaga.
Foto: Marit Holmquist Fenne / NRK
