Hopp til innhold

Ser mørkt på kulturbransjens framtid

Regjering opnar ikkje for arrangement med over 500 personar. – Langtidseffektane blir alvorlege, seier Tone Østerdal i Norske Konsertarrangører.

Cezinando, konsert på Sentrum Scene den 6. mars 2020

RESTRIKSJONAR: Frå Cezinando sin konsert 6. mars i år. Sentrum Scene må sjå langt etter å kunna fylla opp lokalet sitt som vanlegvis har plass til 1750 personar.

Foto: NRK / Javier Auris

– Vi er nøydd til å bremse for å behalde kontroll. Det betyr at vi behaldar grensa på 200 personar på arrangement, seier helse- og omsorgsminister Bent Høie under regjeringas pressekonferanse fredag.

Arrangørar av kultur- og idrettsarrangement har lenge levd i håpet om å kunna ha opp til 500 personar frå og med 1. september.

Fleire aktørar har også bedd om å endre tolkinga av 1-metersregelen.

Nå målar ein frå skulder til skulder, i staden for å måle frå ansikt til ansikt. Det fører til betydeleg nedgang i kapasiteten i kino- og konsertsalar.

– Éin ting er festivalsommaren, men no heng også julekonsertar i ein tynn tråd, seier dagleg leiar Tone Østerdal i Norske Konsertarrangører.

– Ingen kulturliv igjen

Østerdal bekymrar seg for kulturbransjen som allereie ligg nede.

– For mange arrangørar er 200 personar altfor få til å kunna halda ope. Spesielt i kombinasjon med éinmetersregelen slik han er tolka i dag. Me er avhengige av større kapasitet for å kunna opna fleire stader, seier ho.

Tone Østerdal

ÉINMETERSREGELEN: Tone Østerdal i Norske Konsertarrangører meiner éinmetersregelen bør tolkast annleis enn han blir i dag. Ho meiner han bør gjelda frå nase til nase.

Foto: Heather Ørbeck Eliassen / NRK

Solberg åtvara torsdag om auka smitte og for låge skuldrer.

– Me skal bremsa, for at me skal sørga for at me ikkje skal få ein bråstopp. Ingen av oss vil tilbake til situasjonen i mars, sa Solberg til NRK torsdag.

Østerdal har forståing for at styresmaktene er bekymra og må ta grep, men meiner dei då må utvida kompensasjonsordninga til bransjen og komma med andre krisetiltak.

– Elles har dei ikkje noko kulturliv igjen.

– I verste fall må vi stengje igjen

Østerdal får støtte av Guttorm Petterson, administrerande direktør i Film & Kino, som er redd for å måtte stengje kinoane igjen viss det ikkje skjer ei oppmjuking av restriksjonane.

– Kapasiteten er så dårleg for augeblikket at det blir vanskeleg å få film, spesielt dei store norske filmane på lerretet. Vi tapar mykje pengar på det og folk får ikkje eit attraktivt tilbod.

– Får vi ikkje film, må kinoane bli stengde. Det var jo ikkje meininga. Meininga var at samfunnet skulle bli gradvis opna igjen, seier han.

Guttorm Petterson i Film & Kino

HARDT RAMMA: Det er ikkje berre kinoane som er hardt ramma av korona. Også mange av årets filmfestivalar er avlyste.

Foto: Cathrine Elnan/NRK

For tre veker sidan hadde han, og fleire aktørar i kulturlivet møte med Kultur- og Helsedepartementet og Helsedirektoratet for å revurdere tolkinga av 1-metersregelen.

Han innrømmer at han blir skuffa viss det ikkje blir ei endring. Spesielt sidan Helsedepartementet er imponerte over smitteverntiltaka dei har gjort.

– Det er urimeleg at kinoane ikkje kan bruke annan kvart sete, når det er tillat med kvart einaste sete på kollektiv transport som fly, tog, T-bane og buss.

Kulturstrøm

  • Skuespiller Shannen Doherty er død

    Skuespilleren som er mest kjent for sin rolle som Brenda Walsh i Beverly Hills 90210 er død.

    Hun ble 53 år gammel etter flere års kamp mot kreft.

    Shannon Doherty
    Foto: AFP
  • Fitness-guru Richard Simmons er død

    Fitness-guru Richard Simmons er død, det melder flere amerikanske medier. Han ble funnet død i sitt eget hjem. Han var også kjent for å være stemmeskuespiller og radiovert.

    Richard Simmons
    Foto: Richard Shotwell / AP
  • Ny «Euphoria»-sesong spilles inn på nyåret

    Etter måneder med spekulasjoner er det endelig bestemt at det blir en ny sesong av braksuksessen «Euphoria», skriver NTB.

    Ungdomsserien har blitt en av verdens mest populære TV-serier de siste årene. Det er tre år siden forrige sesong ble lansert.

    Nå skriver Hollywood Reporter produksjonen av en ny sesong går i gang i januar 2025.