NRK Meny
Normal

Scenekunst du bør sjå i sommar

Sommaren har mykje å by på av scenekunst, frå teater for barn, til danseframsyning i fossen, og historiske spel.

Spelet om Heilag Olav

Spelet om Heilag Olav kan du sjå på Stiklestad i sommar.

Foto: Trond Leirvik / NRK

sommeranbefalinger
Foto: NRK

NRK sin scenekunst-meldar Karen Frøsland Nystøyl har plukka ut sine fem sommarfavorittar.

Dette er alle spel si mor. Eit must!

Karen Frøsland Nystøyl / om Spelet om Heilag Olav

For små og store røvarar

Robin Hood

Vegar Hoel spelar Robin Hood på Natvigs Minde, Stavanger.

Foto: Roy Storvik / Ole Nerheim

Om du vil ta med heile familien på teater i sommar er Robin Hood eit godt tips. Stykket vert sett opp fleire stader denne sommaren. Du kan mellom anna sjå teaterframsyninga på den vesle øya Natvigs Minde i Stavanger hamnebasseng. Eller du kan sjå andreklassingane ved Statens Teaterhøgskole si tolking av Robin Hood i Frognerparken i Oslo.

Utandørsframsyningar

I Grimstad kan sjå framsyninga 'Blomster og blod' utescena i steinbrotet ved Grimstad. Gisken Armand gjer ein monolog som Marie Hamsun, om livet med forfattaren Knut Hamsun.

Sidan 1954 har det vorte arrangert spel på Stiklestad, det er det eldste og største i Norden. I slutten av juli kan du få med deg 2009-versjonen av Spelet om Heilag Olav på Stiklestad.

Peer Gynt-stemnet på Vinstra lovar ei spektakulær danseframsyning. Verket TidarÅ skal framførast ute i elva Frya. Hallgrim Hansegård frå FRIKAR står for koreografien, og Gunhild Sundli speler Solveig.

Steinvikholm slott i Stjørdal kan du sjå midnattsoperaen Olav Engelbrektsson . Henning Sommerro og Edvard Hoem sin opera er ei gjenskaping av ein dramatisk maktkamp, og ei tragisk kjærleikhistorie, med erkebiskop Olav Engelbrektsson i hovudrolla. Det heile går føre seg i autentiske omgjevnader.

Hva vil du anbefale andre å se på norske scener i sommer? Gi tips her: