Normal

Saknar rytmen av 1537

– Men det å ta ein god, lang, varm dusj er ein av dei største luksusane vi har i dag, seier femtemann ut av Anno.

Magnus Vartdal jobber som smed, Anno 1537

Rauk ut av ANNO: Magnus Vartdal (22).

Foto: NRK/Strix

Etter duell med Per Midtstue Jensen (28) rauk Magnus Vartdal (22) ut av kveldens Anno. Han tek utrykinga med fatning, men skulle gjerne ha fått gjort meir i 1537 etter å ha nytta mykje tid på å bli smedmeister.

– Det var jo kjipt på den måten at eg hadde drive med dette i to veker, éi veke på sveinestykket, éi veke på meisterstykket, og endeleg fått oppnådd det eg ynskja med Anno, seier Magnus.

– Så kjem dagen etterpå, der eg kunne miste alt saman.

Og etter 28 dagar i Erkebispegarden var det altså over. Smedlærlingen som arbeider på Hjerleid skole og handverkssenter på Dovre likte tida i 1537, men sakna spesielt éin ting:

– Det å ta ein god, lang, varm dusj er ein av dei største luksusane vi har i dag!

Norsk realityserie. I dag kommer oldermannen for å vurdere mesterstykket. Selda tester 1500-tallet, og det er klart for turnering og duell. Programleder er Selda Ekiz. Sesong 3 (12:30)

Sjå fekteduellen mellom Magnus og Per her.

Tippoldefaren bygde opp familiegarden på nytt etter dramatisk ras

Etter å ha blitt meister i smedlauget fekk Magnus sjå si dramatiske slektshistorie i kveldens episode. Historiene frå forfedrar er noko han har hatt interesse for tidlegare.

– Eg er av typen som alltid har sete og høyrde på besteforeldra snakke om slekt, det er ei interesse eg har hatt frå før, seier Magnus.

Hans tippoldefar, bonden Ola Sivert Olsen fekk i 1837 garden på Ulstein utrydda etter at uvêr førte til eit uhyggeleg stort ras. Med gravid kone og åtte ungar var han tvungen til å byggje opp alt på nytt, noko han også klarte.

– Det er jo på ein måte dei eg har sett opp til, for å utvikle meg sjølv, forbetre meg sjølv. Eg vil vere like tøff og hardtarbeidande som det dei var.

Sjå Magnus si slektshistorie om Ola Sivert Olsen her.

Blir ekte smedsvein til sumaren

Alt arbeid som vart gjort i Erkebispegården var viktig for kvardagen, noko Magnus sette pris på. Mjølet dei nytta dagen på å kverne, vart nytta til å lage brød til dagen etterpå. Dagane vart kanskje lange, men dei gav han energi.

– Leverytma saknar eg. Vi stod ofte opp i 4-5-tida – eller det vi trur var 4-5-tida, når sola kom – og la oss kanskje i 8-9-tida om kvelden. Då hadde vi jobba heile dagen frå morgonen av.

Magnus smed, i Anno

– Meg og reality-show går ikkje heilt hand i hand. Men dess meir eg tenkte på det, dess meir var det eigentleg opp mi gate, seier Magnus om Anno.

Foto: NRK/Strix

Som ung og oppteken av gamalt handverk vart han invitert til ein audition på Anno, som førte han vidare inn i programmet, sjølv om han seier at han og reality-show vanlegvis «ikkje heilt går hand i hand».

No er Magnus attende i verkstaden på Dovre, der han til sumaren skal gjere ferdig sveinebrevet som smed.

– Korleis set du sveinebrevet i Anno oppimot det ekte?

– Tja, seier han, og tenkjer nokre sekund.

– Eg set nok det ekte litt høgare.

Kulturstrøm

  • Uortodoks prisvinner

    Pris til uortodoks cellist og komponist

    Lene Grenager fikk i går Arne Nordheims komponistpris 2018 på 200 000 kr. Prisen ble delt ut under Ultima-festivalen, av kulturminister Trine Skei Grande, som uttalte «Vi trenger musikk og kunstuttrykk som utfordrer vanetenkingen vår, og som er med på å bevare gjennom å forandre.»

  • Michelet på førsteplass

    Jon Michlets siste bok «Krigerens hjemkomst» går rett inn på førsteplass på Boklista for skjønnlitteratur for etter si første veke i sal, melder Bok365.. NRKs anmelder kalte boka eit verdig punktum for den store bokserien om krigsseglarane.

    jon michelet
    Foto: Gitte Johannessen / NTB scanpix
  • Må tilbringe 28 år i fengsel

    Rapprodusenten Marion «Suge» Knight har inngått en avtale med amerikansk påtalemyndighet om å tilbringe 28 år i fengsel for å ha kjørt på og drept en mann for tre år siden. Avtalen ble inngått i et rettslokale i Los Angeles kun dager før rettssaken mot Knight skulle starte. Påkjørselen skal ifølge nyhetsbyrået AFP ha skjedd etter en pengekrangel om filmen «Straight Outta Compton» som handler om rapgruppen N.W.A. Knight, som i sin tid var med på å starte plateselskapet Death Row Records. En annen man ble skadet. Rapperen risikerte livstid.

    Suge Knight
    Foto: Gary Coronado / AP