Roskilde gjer seg klare til festival nummer 50

Tyler, the Creator, Dua Lipa og Haim er blant artistane som er klare til neste års jubileumsfestival i Roskilde. I tillegg legg festivalen ut eigne billettar for dei under 25 år.

Tyler, the Creator

PÅ DET TREDJE SKAL DET SKJE: Amerikanske Tyler, the Creator er klar for scenen i Roskilde etter to år med avlysingar. Her er han på scenen i Austin, Texas førre veke.

Foto: Amy Harris / AP

Roskilde skulle ha arrangert festival nummer 50 i 2020. Men koronapandemien sette ein effektiv stoppar for det. I staden sette dei alt inn på feire jubileet året etter. Men også då måtte dei avlyse.

Men alle gode ting er som kjent tre, og tysdag offentleggjorde festivalarrangørane dei 23 første artistane til jubileumsfestivalen som blir arrangert 25. juni til 2. juli neste år.

Blant artistane finn vi både amerikanske Black Pumas, som spelte på innsettingsseremonien til Joe Biden i januar, og det danske pophåpet Jada som etter planen skulle ha spelt både i 2020 og 2021.

Rap og søsterrock

Også den amerikanske rapparen Tyler, the Creator skulle ha spelt på dei avlyste festivalane i 2020 og 2021. Men han får ein ny sjanse, og står på plakaten også til neste år.

I tillegg til å vere artist, har Tyler, the Creator også utmerka seg som plateprodusent og klesdesigne.

Haim

Søstrene Alana Haim (f.v.), Danielle Haim og Este Haim er klare for Roskilde neste år.

Foto: Evan Agostini / AP

Han får selskap av blant andre dei amerikanske søstrene i Haim, artisten St. Vincent og den britiske artisten Arlo Parks, som tidlegare i år vann den britiske Mercury-prisen for debutalbumet «Collapsed in Sunbeams».

Britisk popstjerne med norsk hjelp

Ein annan artist som skal stå på scenen på Dyrskuepladsen i Roskilde til sommaren er britiske Dua Lipa. Ho var ein av dei mestseljande kvinnelege artistane i 2020, ifølge Billboard.

Hennar andre album «Future Nostalgia», som kom samtidig som verda stengde ned i mars i fjor, fekk god mottaking både blant kritikarar og publikum. Albumet gjekk til topps i Storbritannia, og fekk også Grammy-prisen for beste popalbum.

Dua Lipa

Dua Lipa spelte på Roskilde-festivalen også i 2018. Til neste år er ho tilbake.

Foto: STEVE MARCUS / Reuters

Lipa er blant anna kjent for hitlåtane «Break My Heart», «Levitate» og «Don't Start Now», som er delvis skriven av den norske låtskrivaren Caroline Ailin. I sommar fekk ho Musikkforleggerprisen for årets mest spelte låt.

Frir til dei unge

Etter to tapte festivalsomrar vil Roskilde-festivalen også gjere ekstra stas på dei som er under 25, utvidar dei kapasiteten på festivalområdet, og legg ut 5000 ekstra billettar som er øyremerka denne aldersgruppa, skriv festivalarrangøren i ei pressemelding.

Les også: Jeg tenker ikke at jeg har drept noen, men jeg og 50.000 andre tok livet av ni mennesker

Berre 5000 av dei 80.000 som hadde billett i fjor valde å få dei refundert. Desse billettane blir lagde ut for sal torsdag.

Dei øyremerkte billettane blir lagde ut 30. november.

Kulturstrøm

  • «The Wire» kåra til beste TV-serie

    206 ekspertar i 43 land har på oppdrag frå BBC kåra «The Wire» til den beste TV-serien i det 21. hundreåret.

    «Mad Men» og «Breaking Bad» kom på dei neste plassane.

    Dansk/svenske «Broen» er beste skandinaviske på ein 34. plass, «Borgen» kom på ein 40.-plass, medan «Forbrytelsen» er kåra til den 78. beste serien i dette hundreåret.

  • Kongen vil ikke inn i trommestrid

    Sametinget har sendt krav til danskedronningen om å få beholde en sjelden tromme. Men kong Harald tror ikke hun vil blande seg, og han vil ikke gjøre det selv.

    – Jeg har vel de samme tankene som hun har, tenker jeg, at det blander hun seg ikke borti. Det får spesialistene finne ut av, sier kong Harald.

    Han har denne uken vært på reise i Finnmark og har fått med seg konflikten som har boblet opp ved det samiske museet i Karasjok, del av museumsstiftelsen RiddoDuottarMuseat. Museet har innstendig bedt Danmark om å få beholde en samisk tromme som ble konfiskert etter trolldomsprosessene i 1692 og sendt fra Sápmi til København. Siden 1979 har den sjeldne samiske trommen vært tilbake igjen på samisk jord, men bare på utlån fram til 1. desember i år.

    Samisk tromme
    Foto: Terje Bendiksby / NTB
  • Trump vil ha nytt sosialt nettverk

    USAs tidligere president Donald Trump varsler planer om å lansere et nytt sosialt nettverk, melder AFP: Trumps sosiale medium skal kalles «Truth Social» og er ventet å åpne for betatesting i neste måned for inviterte. Plattformen eies av Trump Media & Technology Group (TMTG).

    – Jeg skapte Truth Social og TMTG for å stå imot tyranniet fra teknologigigantene. Vi lever i en verden der Taliban har stor tilstedeværelse på Twitter, og hvor din favorittpresident er blitt tiet i hjel. Dette er uakseptabelt, sier Trump.

    TMTG skal også starte opp en abonnementsbasert strømmetjeneste.