P3-Line fekk trøbbel i Iran

P3-reporter Line Elvsåshagen fekk trøbbel på reportasjereise i Iran. – Eg var redd for å ikkje kome ut av landet igjen og å miste materiale, seier ho.

Line Elvsåshagen i P3

Line Elvsåshagen i P3 reiser jorda rundt utan pengar til mat og overnatting. I Iran måtte ho bu på hotell.

Foto: NRK P3

P3-reporter Line Elvsåshagen reiser verda rundt utan pengar til mat og overnatting. Men då ho nyleg var i Iran, måtte ho ta inn på hotell. Kjeldene ville ikkje møte henne på grunn av at myndigheitene kravde å få vite namna på førehand, hevdar ho.

– Eg hadde eigentleg massevis av stadar å sove. Men når dei fekk høyre at myndigheitene, altså tolken, skulle vere med, ville dei ikkje, seier ho i ein video som er lagt ut på P3s Facebook-side.

No er ho ute av Iran. Ho utdjupar til NRK.no:

– Eg var stressa for å oppføre meg feil, spørje kjeldene mine om noko som kunne sette dei i fare for myndigheitene. Eg var redd for å ikkje kome ut av landet igjen og miste materiale.

– Brot på iransk lov

Håkon Moslet, redaksjonssjef TV NRK P3, viser til ein lang dialog med den iranske ambassaden i Noreg før avreise. Elvsåshagen og prosjektleiar var på to møter med den iranske ambassaden i Oslo. Ho fekk pressevisum til landet same dag som ho skulle reise dit.

Han hevdar at ambassaden var orientert om at Elvsåshagen ynskja å bu hos privatpersonar i Iran. Men ved framkomst var beskjeden frå offisielt hald at det var brot på iransk lov å kontakte privatpersonar direkte.

– Vi har vore heilt opne om alle våre planar.

Blei du overraska over at ein reporter i Iran ikkje får surfe fritt på nettet, eller at møter blir rapportert til myndigheitene?

– Alt dette var ting vi visste om, det er graden av det ein ikkje veit på førehand. Dessutan kan ting endre seg undervegs.

Intervju siste dagen

Til slutt fekk Elvsåshagen møte fleire caser saman med tolken. Den siste natta fekk ho overnatte privat, utan at tolken var med.

– Vi har opplevd at vi både har blitt motarbeida og fått hjelp av iranske myndigheiter. Det seier mykje om situasjonen i landet, seier Moslet.

NRK har vore i kontakt med den iranske ambassaden, som seier at dei vil sjå programmet og deretter vurdere hendinga. Ambassaden legg til at Noreg og Iran er gode vener.

Angrar ikkje

– Basert på den informasjonen vi hadde på førehand og det vi no veit, var det absolutt forsvarleg å la henne reise dit, seier Håkon Moslet.

Han angrar ikkje på at teamet fekk reise til Iran.

– Det er eit grundig tryggleik-opplegg for heile turen. Vi har gjort veldig god research og snakka med andre NRK-team som har reist i Iran, seier Moslet.

Hendingane i Iran får ikkje konsekvensar for reiseplanane til Line Elvsåshagen vidare.

Kulturstrøm

  • Feirer månelandingen med kunst

    Henie Onstad Kunstsenter feirer 50 årsjubileet for månelandingen med en stor utstilling. Arbeidene som vises spenner fra Galileo Galileis aller første skisser av månens overflate til dagsaktuelle samtidsverk. Utstillingen har til nylig vært å se på det danske museet for moderne kunst, Louisiana. Utstillingen åpner 14. februar.

    Månen
    Foto: Jamie Cooper / SSPL via Getty Images
  • Årets beste ungdomsbok

    Nå er det klart hvem som er nominert til Uprisen, årets beste ungdomsbok. Nominasjonsjuryen består av elever ved fem ungdomsskoler fra rundt om i Norge. Blant de nominerte er «Til ungdommen» av Linn Skåber, illustrert av Lisa Aisato. Se hele lista med de nominerte her. Prisen er deles ut 23. mai under Litteraturfestivalen på Lillehammer.

    Uprisen
  • Rita Ora etterforsket

    Sangerne Rita Ora (bildet) og Ellie Goulding og modellen Alexa Chung er blant 16 kjente profiler på sosiale medier, som har måttet gå med på å forbedre måten de poster på. Ellers risikerer de bøter og opptil to års fengsel, skriver BBC. Alle de 16 influenserne må merke gaver og markedsføring bedre. Dersom de bryter avtalen de har inngått med den britiske forbruker- og konkurransemyndigheten CMA, risikerer de kraftige reaksjoner, sier CMA-sjef Andrea Coscelli til BBC.

    Rita Ora
    Foto: Thibault Camus / Ap / NTB Tema