Det er mange som er opptekne av skattelistene som no er lagt ut på dei fleste nettstadar. Ein kan sjekke blant anna naboen, kollegaen og kjendisar sin privatøkonomi.
- Det er så populært at dei fleste nettstadane har rangering av kven som tener mest og kven som tener minst i dei fleste bransjar.
Positivt
Då skattelistene først blei offentleggjort var ein av grunnane at det skulle vere offentleg kor mykje ein gir til samfunnet, av skatt ein betaler.
- Mogeleg at det var ein god idé den gong, men ikkje slik det har utvikla seg no. Inntekt og formue er blitt ein målestokk på kor vellykka du er. Då ser ein at offentleggjering av folk si inntekt og formue på ein måte fortel kor vellykka ein er innanfor forskjellege områder.
Og med det meiner Siw at vi får ei form for stigmatisering.
Blottstilt
Siw kjem med eksempel på korleis dette kan bli brukt feil.
- "Jøss tener ikkje pappaen din meir enn det!" Jøss, tener du så mykje mindre enn i fjor!" Ikkje berre er det ubehageleg å bli blottstilt på den måten.
Enklare for kriminelle
Frokost-TV økonomen fortel at ettersom skattelistene er offentlege er det enklare for kriminelle å få ei oversikt over kven som har store verdiar, og at ein i tillegg får bustadkommunen oppgitt.
- Klikkar ein seg då for eksempel inn på gule sider får ein adressa opp med ein gong.
Nett-TV:
Sjekk lista
Det er viktig no med skatteoppgjeret at ein sjekkar tala, for kvart år er det ein del feil.
- Nokon kan få tre, fire nullar ekstra på inntekt eller formue, fortel Siw.
Men dei fleste feila er mindre enn dette.
- Det er ein del småfeil. Finn igjen den delen av likninga som ein har, og sjekk at det faktisk er riktige tal som står der.
Om feil
Om ein finn feil i likninga kan ein klage innan 2. november, og då er det berre å skrive ein e-post eller sende eit brev og forklare kva som er feil fortel Siw.
Problemet er for mange at dette blir som ei parkeringsbot, ein må først betale for å kunne få det refundert.
- Ein har kanskje fått restskatt på 20-30 000 kroner som er feil, og når ein då kontaktar likningskontoret og ber om at likninga blir endra får ein nok beskjed om at det nok er feil, men at dei må ha ei behandlingsprosedyre på det. Då må ein betale inn pengane, og det kan vere tøft for mange.
Men det er mogeleg å få hjelp.
- Er det heilt klart at du har fått ein restskatt du ikkje skal ha, og beløpet er slik at du problem med å gjere opp, då vil eg råde personen til å legge fram problemet og høyre om saka kan ligg ei ro, medan den blir behandla på likningskontoret.