NRK Meny
Normal

Obama: – Vil ha eit kontor med hjørne

I eit «jobbintervju» med komikar Stephen Colbert fortel presidenten kva ønsker han har for sin neste jobb.

President Barack Obama er snart ferdig i det kvite hus, det betyr at Obama må finne seg ein ny jobb.

Stephen Colbert som «Randy»

«Late Show»: Programleiar Stephen Colbert sjekkar CV-en til Barack Obama.

Foto: Faksimile / CBS

På «Late Show» på CBS natt til tysdag tok programleiaren Stephen Colbert rolla som «Randy», ein slags CV-meldar, som gjekk igjennom Barack Obama sin CV for å gje råd før eit eventuelt jobbintervju.

Då Randy studerer CV-en legg han merke til at Obama ikkje har blitt forfremma i løpet av dei siste åtte åra.

– Det er jo ikkje alltid bra, kan du forklare det?

Obama svarer at det ikkje var så mykje rom for forfremming i hans førre jobb.

– Den einaste med meir makt enn meg er kona, sa Obama.

Randy lurer på om Obama har erfaring med Twitter.

– Vel, eg har 77 millionar følgarar, teller det?

– Vil ha eit kontor med hjørne

Når dei kjem inn på temaet om kva prisar presidenten har fått løpet av karrieren, kan Obama slå i bordet med at han har fått nesten 30 ærestitlar.

– Dessutan har eg fått Nobels fredspris, seier Obama.

– Kvifor fekk du den?

– For å vere ærleg så veit eg framleis ikkje, seier Obama og spelar forundra.

På spørsmål om kva slags kontor Barack Obama kunne tenke seg i sin neste jobb, dissar Obama sitt nåverande kontor, det ovale kontoret.

– Eg vil iallfall ha eit kontor med hjørner, seier Obama.

Kulturstrøm

  • Lalla Carlsens hus fredet

    I 1930 sikret Lalla og Carsten Carlsen seg en sveitservilla fra 1800-tallet i Oslo, som de kalte Villa Gro-Gro. I dag er deres barnebarn, Vibeke Sæther, som eier huset sammen med sin ektemann. – Familiens formidable innsats for å ta vare på huset gjør at vi i dag har bevart et av Norges mest spennende kunstnerhjem, sier riksantikvar Jørn Holme via en pressemelding. Huset regnes som det best bevarte av de få gjenværende eiendommene som utgjorde den gamle trehusforstaden Briskeby i Oslo (NTB).

    Villa Gro-Gro
    Foto: NTB Tema
  • Slottet stiller ut bunader

    I sommar blir bunadene og dei samiske draktene til kongefamilien stilte ut i Dronning Sonja Kunststall, i ei utstilling som skal vise den norske kulturarven i dei kongelege samlingane. Fleire av draktene har gått i arv i kongefamilien.