– Tilbakemeldinga frå kompisar betyr mest

Jo Nesbøs nye bok er alt selt til 22 land, men tilbakemeldingane frå to kompisar betyr likevel alt. – Dersom dei let seg imponere, er eg tilfreds, seier han.

Under alter-egoet Tom Johansen gir Jo Nesbø ut to nye bøker. Se Dagsrevyens reportasje.

Med akustisk gitarkonsert i parkeringskjellaren under Youngstorget i Oslo lanserer Jo Nesbø ein ny bokserie denne veka.

Og vi kan sjå langt etter Harry Hole.

Førehandsselt til 22 land

Olav Johansen heiter den nye hovudpersonen til Nesbø. Han er leigemordaren som altfor lett blir forelska.

Handlinga i boka er blant anna lagt til eit fiskeri på Youngstorget, der ein av byens store narkobaronar driv omfattande heroin-verksemd.

«Blod på snø», som krimromanen heiter, er alt førehanddselt til 22 land.

– Det er alltid ein brå og rar overgang å gje ut ei bok. Eg har levd på 70-talet ei god stund nå, saman med leigemordaren Olav Johansen og «Fiskern». Og det er alltid ein brå overgang plutseleg å ta eit slikt univers ut til folk, seier Nesbø.

Måtte legge seg i selen for å skrive dårleg

Den nye serien er «liksom» skriven av den oppdikta forfattaren Tom Johansen, som hadde si stordomstid på 70-talet.

Omslaget til Jo Nesbø: Blod på snø

ETTERSPURD: Jo Nesbøs «Blod på snø» er førehanddselt til 22 land.

Foto: Aschehoug

«Blod på snø 2. Mere snø» kjem til hausten. Det er den «ordentleg dårlege oppfølgjaren» til «Blod på snø».

Jo Nesbø måtte dermed skrive ei så dårleg bok som ein avdanka krimforfatter på 70-talet ville gjort.

– Det er jo litt kjedeleg å vakne opp om morgonen å tenke at i dag skal eg skrive ei bok som ikkje er spesielt god, seier han.

– Nokre dagar fekk eg skikkeleg sving på sakene slik at det eg skreiv blei ordentleg dårleg. Andre dagar mista eg konsentrasjonen og skreiv altfor godt, fortset han.

Prøver å imponere to kamerater

Uavhengig av korleis bøkene i den nye krim-serien slår an blant publikum – det som betyr mest for Nesbø, er tilbakemeldingane frå to kompisar.

Korleis har dei teke i mot boka?

– Dei veit jo ikkje at det er dei eg skriv for. Viss dei les boka, så kan dei til dømes kome til meg og seie at den var «alright». Då er eg veldig fornøgd, seier Nesbø.

– Men dei er veldig strenge. Dersom boka ikkje er bra, får eg sannsynlegvis aldri høyre noko, legg han til.

LES OGSÅ:

Skandinavias største talkshow. Fredrik Skavlan møter norske, svenske og internasjonale gjester. Uhøytidelig stemning, samtalen i fokus - og den beste musikken.

FRA SKAVLAN: Se hvordan det gikk da stuntreporter Niklas kjørte Jo Nesbø. Fra 21. mars 2014.

Kulturstrøm

  • Årets musikkjournalistikk kåret

    Mari Brenna Vollan fra Klassekampen mottok under By:larm-festivalen fredag prisen «Årets musikkjournalistikk» for sin graveserie om musikkbransjen, «Lønnskamp om spotlyset». Her blir det blant annet avslørt hvordan mange musikere i bransjen må leve med lave honorarer og dårlige vilkår. Prisen ble delt ut av direktøren for Fritt Ord, Knut Olav Almås (NTB).

  • Koronaviruset stopper band

    Mustafa Santic Trio fra Bosnia avlyser konserten på Balkanfest i Trondheim i helga. Bosniske myndigheter har varslet mulig stenging av grensene på grunn av koronaviruset. Jungeltelegrafen sender direkte på P2 lørdag, og melder at den greske folkemusikeren Oluf Dimitri Røe «stiller som superreserve».

    Mustafa Santic
    Foto: / Balkanfest
  • Hør OnklP live i Kulturstripa

    Litt eldre, litt klokere og for første gang på 15 år gir OnklP ut nytt soloalbum, «Pål Tøien». – Det er en slags oppsummering og status for nå. Jeg har måttet gå gjennom en del følelser, forteller OnklP til Kulturstripa, der han også spiller live.

    OnklP