Tenåring om nettbruk: – Eg kjenner meg ganske trygg

Noreg er det landet der flest barn oppgir at dei føler seg trygge på nett samanlikna med andre land. Det viser nye funn. Men alt er ikkje like positivt.

Thea Roe Borgersen (14) kjenner seg trygg på nettet

Thea Roe Borgersen spelar spel heime i kjellarstova.

Foto: Philip Hofgaard / NRK

– Eg er ganske mykje på nett, anten for å sjå på noko på YouTube eller prate med folk på Snapchat. Og eg speler ganske mykje med venane mine, seier Thea Roe Borgersen.

Ho er 14 år gammal og surfar dagleg internett, og har som regel gode opplevingar.

– Eg kjenner meg ganske trygg på nett. Eg pleier ikkje å snakke med folk eg ikkje kjenner, seier Thea Roe Borgersen.

– Internettet er ein sosial arena

Noreg er det landet der flest barn oppgir at dei føler seg trygge på nett samanlikna med andre europeiske land.

Det kjem fram gjennom eit internasjonal forskingsprosjekt som har undersøkt den digitale kvardagen under pandemien.

Elisabeth Staksrud, professor ved UiO er ein av forskarane bak. Ho trur at gode ferdigheiter er noko av grunnen til at norske barn er trygge på nett.

Elisabeth Staksrud

Elisabeth Staksrud er professor ved Institutt for medier og kommunikasjon på Universitet i Oslo.

Foto: UiO

– Norske barn brukar mest tid på nett samanlikna med andre land, og dei har gode ferdigheiter. Det å vere på nettet er ganske naturleg, og internett er primært ein sosial arena der dei heng med venar og har det morosamt.

Kan dette vera ein indikasjon på at bildet me har hatt av nettbruken til barn og unge har vore mørkare enn realiteten?

– Nettet er primært hyggeleg og god arena, og dersom me som vaksne snakkar veldig mykje om det i eit risikoperspektiv, blir det litt framandgjerande for barn og unge.

– «Eg håpar familien din dør»

Blant anna viste undersøkinga at ein av fire norske barn mellom 11 og 18 år opplevde meir netthat under koronanedstenginga, enn det dei har opplevd før.

Thea Roe Borgersen på mobilen. Ho likar blant anna å snakke med venar over Snapchat

Thea Roe Borgersen likar å snakke med venane sine på ulike sosiale medium.

Foto: Philip Hofgaard / NRK

Netthets er også noko Thea har vore vitne til, blant anna har ho sett stygge kommentarar og mobbing i fleire kommentarfelt på TikTok og andre sosiale medium.

– «Eg synest du er skikkeleg shtøgg, og eg håpar familien din dør». Det er mange stygge kommentarar.

–Det er veldig sårande og trist, spesielt fordi det er anonymt og du ikkje veit kven dei er.

Staksrud seier at norske barn ofte kjenner seg trygge trass i ubehagelege opplevingar fordi dei har kompetanse til å handtere det.

– Det heng ofte saman. Norske barn opplever ting, men dei fleste har også god handteringskompetanse. Dei ser det, slettar det og går vidare med livet sitt, seier ho.

Thea Roe Borgersen (14) spelar spel heime i kjellerstova
Foto: Philip Hofgaard / NRK

Slettar stygge kommentarar

14-åringen frå Larvik er eit godt eksempel på akkurat det.

– Viss eg får stygge kommentarar så sletter eg dei berre. Og så tenker eg ikkje på dei meir, og så er det borte.

Staksrud oppfordrar foreldre til å snakke saman med barna om farane på internett.

Det er noko Familien Borgersen gjer, og som har gjort nettbruken til ei hyggeleg oppleving.

– Eg synest det er veldig koseleg å spele med folk, spele med venar og oppleve ting som er veldig hyggeleg.

Den fullstendige norske rapporten kjem i februar.

Kulturstrøm

  • Google endrer annonsesystemet sitt

    Google slutter å selge annonser basert på teknologi som sporer brukeres nettbruk. De vil heller ta i bruk et nytt system for målrettede annonser, som ikke bruker «cookies», og det nye systemet vil testes på nettleseren Chrome i mars, opplyser Google.

  • Dolly Parton ga penger til vaksine

    Dolly Parton delte bilde av seg selv i sosiale medier når hun får covid-19-vaksinen, og fleipet med at hun "fikk smake sin egen medisin". 75-åringen var blant dem som bidro til å finansiere utviklingen av Moderna-vaksinen. Hun la også ut en video med en oppfordring til sine millioner av følgere i sosiale meder om å ta vaksinen om de kunne.

    Laster Twitter-innhold
  • Grant til «Dungeons & Dragons»-film

    Hugh Grant er klar for en rolle i filmen som henter inspirasjon fra rollespillet «Dungeons & Dragons». Grant skal spille skurken Jonathan Goldstein, melder Variety. «Dungeons & Dragons», som spilles med papir, penn og terninger, ble lansert i 1974, og har blitt spilt av over 50 millioner mennesker (NTB).

    Hugh Grant
    Foto: HANDOUT / Reuters