Ny superprestasjon fra Angelina (10)

– Min store draum er å synge for heile, heile, verda, seier Angelina Jordan.

– Eg ynskjer å vise kvar eg kjem frå, frå Noreg. Eg vil vise landet mitt for heile verda, for eg elskar landet mitt, seier ho.

• Sjå Angelina synge med KORK øvst i saka.

Gir gamle songar nytt liv

Angelina blei kjent då ho i 2014 vann Norske Talenter, som åtteåring, og etter dette har karrieren hennar skote fart. Ho har mellom anna sunge på TV-show både i Noreg og i utlandet, og denne gongen stod ho på scenen på Ønskekonsert med KORK.

– Det betyr veldig mykje for meg. Det er stort å spele med så mange menneske. Det blir skikkeleg fint, seier ho.

Det er heller ikkje første gong Angelina Jordan syng med KORK, og på Ingiestrand i Oslo gongen stemte ho i med «Summertime».

– Det er sommar, og songen heiter jo «Summertime», seier ho.

– Eg har lyst å gi gamle songar nytt liv.

• SJÅ OGSÅ: Lørdagsgjest: Angelina Jordan
• SJÅ OGSÅ: Lindmo i samtale med Angelina Jordan

– Som å puste

Den unge artisten går på Steinerskolen i Oslo, og brukar mange timar kvar dag på å øve, både på song og på piano.

– Musikk er alt. Det er heile livet mitt. Det er som å puste for meg. Eg elskar å synge, seier Jordan.

Ein stor del av motivasjonen til artisten er truleg publikum.

– Ein får så mykje kjærleik frå fansen. Når eg har ein konsert så grin mange menneske. Dei blir ganske rørte, seier tiåringen.

– Eg får veldig mykje energi fordi dei seier eg er flink og at eg må fortsette.

Programmet "Ønskekonsert med KORK" er sjå på NRK1 eller på nett-tv frå 13. august 2016 klokka 19:55.

• LES OGSÅ: Sjå bilete frå Ønskekonsert med KORK

SJÅ OGSÅ:

SJÅ ANGELINA SYNGE BACK TO BLACK:

SJÅ ANGELINA PÅ LINDMO: