Njie leiar «Kvelden før kvelden»: – Ikkje vore veldig alvorlege diskusjonar rundt det

Haddy Njie og Mikkel Niva er årets programleiarar av «Kvelden før kvelden». Underhaldningsredaktøren i NRK trur ikkje det blir mange reaksjonar på at Njie skal leie programmet.

Haddy Njie og Mikkel Niva

Boka til Haddy Njie og påfølgjande framferd i Lindmo har skapt debatt i haust. No leier ho «Kvelden før kvelden» saman med Mikkel Niva.

Foto: Julia Marie Naglestad / NRK

NRK-programmet «Kvelden før kvelden» er populært og har lange tradisjonar, og dei siste tre åra har Haddy Njie leidd programmet saman med Ingrid Gjessing Linhave.

Njie gav i haust ut boka, «Dagbok 13. desember–13. februar». Der skriv ho om opplevinga si av den mykje omtalte Trond Giske-saka, som gjekk føre seg vinteren 2017–2018. Njie, som er gift med Trond Giske, kom med kritikk av både partileiinga til Ap og varslarar.

Boka har gjennom hausten skapt debatt, og i kjølvatnet av denne debatten har det blitt stilt spørsmål om ho i år ville få programleiarjobben etter at ho snakka om boka i «Lindmo».

– Haddy er ein frilansprogramleiar. Ho gjer ting, både som skodespelar og forfattar, og det har veldig lite å gjere med det vi held på med i «Kvelden før kvelden», seier underhaldningsredaktør i NRK, Charlo Halvorsen.

– Ikkje veldig alvorlege diskusjonar

Ifølgje Halvorsen blei avgjerda om at Njie skulle vere éin av årets programleiarar tatt for ganske lenge sidan, men han seier at dei følgjer med på kva alle gjer til kvar tid.

Portrett

Underhaldningsredaktør i NRK, Charlo Halvorsen, trur ikkje debatten i haust vil ha særleg innverknad på «Kvelden før kvelden».

Foto: Ole Kaland / NRK / Ole Kaland

– Ikkje minst frilansarar, naturlegvis, som har eit liv og ein jobb utanfor det dei gjer for oss. Men det har ikkje vore nokon veldig alvorlege diskusjonar rundt det, seier underhaldningsredaktør i NRK, Charlo Halvorsen, på spørsmål om debatten har vore ein del av vurderinga.

Med tanke på debatten som har vore rundt Njie denne hausten – er det framleis foreinleg med det «Kvelden før kvelden» står for?

– Eg tenker at alle vil oppleve «Kvelden før kvelden» som varmt, inkluderande, morosamt og interessant. Eg trur vi har eit veldig bra program i år. Kva Haddy gjer som frilansar på andre område, trur eg har veldig liten innverknad på dette programmet.

Trur du det vil skape reaksjonar at ho har den jobben?

– Eg trur ikkje det blir mykje. Folk flest ser nok at dette er ei rolle ho har som programleiar i NRK, og så har ho nokon andre plattformer elles i livet sitt, seier Halvorsen.

Gler seg til «Kvelden før kvelden»-debut

Mikkel Niva

Mikkel Niva gler seg til programleiardebuten i «Kvelden før kvelden».

Foto: Kim Erlandsen / NRK

I år får Njie med seg Mikkel Niva, som for første gong skal leie sjåarane gjennom juleprogrammet.

– Romjula og vesle julaftan er definitivt mine favorittdagar. Så å få halde til han saman med folket, med Haddy og alle gjestene våre, det blir berre koseleg, seier Niva til NRK.

Kan du røpe noko du gler deg mest til?

– Vi skal få eit lite tilbakeblikk frå ein av dei kanskje største programleiarane til NRK nokonsinne, som kjem og skal gjeste oss med han kan aller best. Eg seier ikkje kven det er, men eg seier det blir «bom», det blir «bom, bombadilla life».

Haddy Njie ønsker ikkje å kommentere saka.

Kulturstrøm

  • Sterk fransk åpningshelg

    Filmen Verdens verste menneske er allerede sett av 53.000 i Frankrike etter at den hadde kinopremiere der i forrige uke. Samtidig har den rundet 32.000 besøkende på norske kinoer.

    – Dette er herlige tall og enda bedre enn vi hadde forestilt oss! Folk vil på kino, og fortsatt se kvalitetsfilmer, det er gode nyheter for alle, ikke minst norsk film. At filmen også åpnet knallbra i Frankrike, gjør gleden ekstra stor, sier produsent Thomas Robsahm i en pressemelding.

  • Europeisk pris til norsk film

    Den NRK-sendte dokumentaren «Tro kan flytte fjell» vant i helga Prix Europa Iris Award. Filmen, som er produsert av Medieoperatørene, ble utpekt til den beste europeiske TV-produksjonen om kulturelt mangfold i 2021. Filmen handler om gresk-ortodokse nonner som dukker opp i den lille bygda Valldal for å bygge et majestetisk kloster. Ordføreren er begeistret, men bygdefolket er splittet.

    Gresk-ortodokse nonner dukker opp i den lille bygda Valldal for å bygge et majestetisk kloster. Ordføreren er begeistret, men bygdefolket er splittet.
  • Sele får Språkrådets språkpris

    Forfatteren Katrine Sele tildeles prisen for sitt skarpe innblikk i de store politiske spørsmålene, og for tilstedeværelsen i livene til menneskene i bøkene. – Det får meg til å tenke at stemmen min har blitt hørt, sier forfatteren.