For å finne ut kva som skjer med bagasjen etter at vi har levert han frå oss, følte eg det var best å rett og slett sjekke meg sjølv inn. Eg la meg på bagasjebandet, fikk registrert meg og fikk på ein bagasjelapp som fortalte kor eg skulle.
Dessverre la eg meg på det vanlege bagasjebandet, og ikkje på spesialbagasjebandet. Det vanlege bandet kan maks ta bagasje som veier 30 kg.
Utan å gå inn på kva eg veier, kan eg trygt sei at eg veier meir enn som så, og vips så stoppa heile bandet, og all bagasjeinnsjekking vart forsinka. Eg tusla då forsiktig bort frå området og sette meg heller på spesialbagasjebandet.
Liten mann i bagasjerommet
Når ein først er kome på riktig bagasjeband, eller rettare sagt, når ein har lagt bagasjen på riktig bagasjeband, skjer det meste ganske automatisk. Bandet går ein lang veg ned til ein stor bagasjehall.
Der blir det skubba ned i ulike båsar, alt etter kor bagasjen skal. Så blir den henta av dei som jobbar der og kjørt ut til flyet. Og der har du kanskje sett at dei lessar det over på eit rulleband som går inn i flyet. Men visste du at det då sit ein mann inne i flyet og lessar all bagasjen av dette bandet og stuar det vidare?
Joda, der sit det ein person og stuar etterkvart som bagasjen kjem inn. Men han hoppar ut att før luka blir lukka og flyet lettar altså.
Travle tider
I tillegg til å ta seg av bagasje, skal flyet sjekkast for feil eller skrammer, det skal fyllast bensin, toalettet må tømmast, flyet må
ryddast, det må fyllast på med mat og passasjerane skal om bord i flyet.
I løpet av de 25 minuttane flyet står parkert, er det fleire titals personar som er med å gjer det klart til ny avgang. Med andre ord: eg måtte springe fort for å rekke over alle oppgavene.
SE: