Mette-Marit sine klede kan bli dine

H.K.H Kronprinsesse Mette-Marit sel kleda sine på ein loppemarknad på nettet.

Bloppis.no er ein nettstad der folk kan selje eller gi bort klede og tilbehøyr dei ikkje lenger har bruk for.

– Mange av kleda våre kan brukast igjen i staden for å bli kasta. Vern om miljøet på ein enkel og morosam måte, seier Kronprinsesse Mette-Marit om nettstaden.

• LES OGSÅ: Mette-Marit på motelansering i NY

Hjelper små miljøagentar

Inntektene frå salet av Kronsprinsessa sine klede går uavkorta til Miljøagentane, borna sin miljøvernorganisasjon.

– Me er glade for at Kronsprinsessa tek engasjementet til born og unge på alvor og gir dei anerkjenning for det viktige arbeidet dei gjer, seier kommunikasjons-leiar i Miljøagentene, Maia Østerud.

– I Miljøagentene er me opptekne av at kvar og ein av oss kan gjere ein innsats for miljøet kvar einaste dag. Hovudfokuset vårt for 2012 er gjenbruk. Me er derfor spesielt glade for å vere med på å fronte eit tiltak som oppfordrar til nettopp dette, seier ho.

• LES OGSÅ: Mette-Marit åpnet kvinnesenter

Trend i Sverige

I Sverige har «bloppis» lenge vore eit kjent omgrep for motebloggarar.

Ellen Arnstad, forlagsredaktør i Aller Media, som står bak Bloppis.no, ynskjer å skape ei grøn folkerørsle også i Norge. Alle norske kvinner kan bidra med sin eigen bloppis, seier ho.

– Me set stor pris på at me har fått H.K.H Kronprinsesse Mette-Marit med på laget i arbeidet med å gjere gjenbruk trendy, seier Arnstad.

• LES OGSÅ: Kong Harald om Mette-Marits åpenhet: – Det var utrolig tøft gjort