Den over 6,5 meter høge og over 900 kilo tunge statuen av skulptøren Roman Salvador, er ifølgje kyrkja La Epifanía del Señor i den meksikanske staten Zacatecas den største statuen i verda av eit Jesusbarn.
Men sjølv om den enorme statuen kan vere imponerande i seg sjølv, er det likskapen med Genesis-frontmann Phil Collins på 1980-talet som har gjeve statuen mest merksemd.
I CAN FEEL IT COMING IN THE AIR TONIGHT, OH LORD: Phil Collins har førebels ikkje kommentert den meksikanske statuen som har fått stor merksemd i sosiale medium. Her er han på scenen under Live Aid-konserten i Philadelphia i 1985.
Foto: FRANK MICELOTTA / AFP- Les:
- Les:
Fleire nettaviser har omtalt saka. Blant dei er New York Post, Rolling Stone og Daily Mail. Og mange brukarar på sosiale medium kunne heller ikkje dy seg då dei fekk sjå kunstverket.
Andre brukarar meiner statuen også liknar på skodespelaren Nicolas Cage.
– Ikkje meininga
Den meksikanske kyrkja har no søkt om å få kome i Guinness rekordbok for å ha verdas største statue av eit Jesusbarn. Men ifølgje den lokale presten Rodriguez Rodriguez var det ikkje meininga at det skulle bli slik.
– Eg bestilte ei statue på om lag 6 meter, men eg tenkte aldri på at vi ville ha verdas største Jesusbarn.
Men likskapen til Phil Collins skal han ikkje hatt nokon kommentert til, ifølgje New York Post.
Avisa har heller ikkje fått svar frå Collins på kva han synest om den enorme statuen.
- Les:
