- Får du denne i panna er du ferdig, seier Kristen Skjeldal. Han står på Samvirkelaget og småpratar med tre andre medaljørar frå Voss.
Kari Traa har henta fleire medaljar til Voss. Her vinn ho sølv i Torino-OL i 2006.
Foto: JOE KLAMAR / AFPAlle ber medaljane sine rundt halsen, så klart, og no går praten om kven som har den tyngste og finaste. Lillehammer-medaljen er fin, det er dei samde om, men tyngre gullmedalje enn den frå Salt Lake City skal ein leita lenge etter.
Ein kvardagsleg sak
Denne scenen får du sjå i siste programmet av Norsk attraksjon. I innslaget møter du kjende idrettsheltar frå Voss med medaljane dinglande rundt halsen medan dei gjer heilt kvardagslege ting som å handle på Samvirkelaget.
Kari Traa og Lars Bystøl luftar også gullet sitt utan at det vekkjer noko som helst merksemd i ei så blasert bygd som Voss.
Utan sidestykke
På dei siste 45 åra har 87 VM og OL medaljar havna på Voss. Med berre 14 000 innbyggjarar har den kondis-sterke jordbruksbygda ein medaljetettheit som saknar sidestykke på planeten.
Hadde Bergen med sine 245 000 innbyggarar hatt samme medaljetettheit, hadde 1500 medaljer havna i byen. For London hadde talet vore nesten 50 000.
Just in case...
I innslaget om medaljebygda snakkar samtlege engelsk. Også programleiar Linda Eide.
- Vi laga innslaget på engelsk i håp om at internasjonale tv-kanalar som BBC World skal snappa det opp og gi Voss den berømmelsen som bygda fortener, gliser programleiaren som sjølv er frå Voss, og skynder seg å leggje til:
- Men ideen om å laga eit innslag som heilt ukritisk hyller Voss var sjølvsagt ikkje min, er du galen! Det skulle aldri falla meg inn promotera heimbygda på ein slik måte, om ikkje eg vart tvungen til det, seier den raudkledte programleiaren.
Voss er Noregs smalahove-sentrum. Er denne eksotiske retten løyndomen bak suksessen?
Foto: Øystein Antonsen / NRKIkkje berre vinteridrett
Norsk attraksjon har laga den fyrste totale fullstendige medaljeoversikten for Voss. Noko som ikkje berre var enkelt.
- Det finst ikkje ein slik frå før. Men det hjelpte oss godt at Voss Skiskyttarlag har god oversikt over sine. Resten har me talt og leita oss fram til sjølv. Me fann til og med to VM-medaljer tatt om somaren! I hangliding og rafting, ler Eide.
