Normal

Måtte bevise at ho ikkje er Noora

Josefine Frida Pettersen, som spelar Noora i NRK-serien «Skam», blei skulda for falsk legitimasjon då ho var på ein utestad i Trondheim. Dei trudde ho var Noora (16).

Pettersen var på byen i Trondheim saman med nokre venninner. Dei var på ein utestad med 20-årsgrense og drakk øl. Då blei ho teke til side av ei vakt som ville snakke med henne.

– Eg tenkte ok. Eg trudde eg skulle få gratis alkohol eller noko slikt, seier Pettersen, som er gjest i «Skavlan» denne veka.

Saka fortset under videoen.

Til Skavlan kommer Sarah Ferguson, Aksel Hennie og artisten Laleh. Og så kommer "Noora" og "Isak" fra suksess-serien SKAM for å gi sine aller første intervjuer! (2:12)

HEILE INTERVJUET: Sjå intervjuet med Josefine Frida Pettersen frå Skavlan 16. september.

Skulda for falsk legitimasjon

Skam på Gullruten

«Skam» fekk tre prisar under utdelinga av Gullruten i mai.

Foto: Åserud, Lise / NTB scanpix

Men vakta kunne fortelje at utestaden hadde fått fleire tips om at ho er altfor ung til å vere der.

Ho viser fram legitimasjon som viser at ho er 20 år og gamal nok. Men vakta meinte legitimasjonen måtte vere falsk fordi dei visste at ho heitte Noora og var 16 år gamal.

Forsøket på å forklare at Noora er ei rolle ho spelar, fører ikkje fram. Til slutt måtte politiet koplast inn før misforståinga blir oppklart.

– Eg må svare på spørsmål om kor eg har budd, kven foreldra mine er. Til slutt må eg be dei om å google meg, seier ho i programmet.

Stor merksemd

Isak

I tredje sesong av ungdomsserien er det rollefiguren Isak, spelt av Tarjei Sandvik Moe, som skal spele hovudrolla.

Foto: NRK

Dei to første sesongane av ungdomsserien har fått stor merksemd. Blant anna fordi serien har teke opp vanskelege tema. Serien har også fått merksemd utanfor landegrensene.

Den tredje sesongen av «Skam» startar på nrk.no om kort tid. Då kjem det også fleire nye fjes etter at enkelte av skodespelarane har takka for seg.

SKAM sesong 2 følger Noora gjennom våren i førsteklasse på Nissen vgs i Oslo. Du kan følge serien hver dag på skam.p3.no http://skam.p3.no. Hver fredag kan du se alle ukens filmer samlet i en episode her. Anbefalt målgruppe 15 år.

Kulturstrøm

  • Europaturneen startar i London

    Gruppa Highasakite, med Ingrid Helene Håvik frå Ålesund i spissen, har annonsert datoane for sin komande Europa-turné. Dei startar i London 28. februar og avsluttar i Berlin 17. april. Bandet skal også innom byar som Paris, Dublin og Stockholm.

    Highasakite pressebilde
    Foto: Stian Andersen
  • Får prestisjetung pris

    Forfattaren Ahmedur Rashid Chowdury busett i Skien får den prestisjetunge Ossietzkyprisen. Rashid Chowdury får prisen for å gje ut litteratur som fremjar liberale og sekulære verdiar i heimlandet Bangladesh. Prisen blir delt ut i Oslo i november. Ossietzkyprisen deles ut av Norsk P.E.N. for fremragende innsats for ytringsfriheten. Prisen deles ut årlig på Fengslede Forfatteres Dag, 15. november. Prisen har sitt navn etter den tyske forfatteren og nobelprisvinneren Carl von Ossietzky.

    Ahmedur Rashid Chowdury
    Foto: Arne Olav Hageberg
  • Europeisk pris til Johan Harstad

    Johan Harstad er tildelt den Europeiske litteraturprisen i Nederland for utgivelsen av romanen «Max, Mischa og Tetoffensiven», skriver Gyldendal forlag i en pressemelding. Prisen er på 10.000 Euro og kårer fjorårets beste moderne europeiske roman gitt ut i nederlandsk oversettelse. Det er første gang en norsk forfatter får prisen. Les Marta Norheims anmeldelse.

    Johan Harstad med ny bok
    Foto: Håkon Mosvold Larsen / NTB scanpix