Marc Jacobs avslutta moteveka i New York

Kulturkjendisane stod i kø for å kome inn, og designaren får svært gode kritikkar for den storslåtte kolleksjonen.

Marc Jacobs ss 2016
Foto: Slaven Vlasic / Afp

Ei veke med mote i New York er over. Då Marc Jacobs avslutta moteveka i går kveld, var det med brask og bram. Designaren er blitt kjent for sine overdådige moteshow, der ikkje berre kleda, men også publikum, står i sentrum.

Få designarar trekk så celebre gjestar som Jacobs: Blondie-vokalist Debbie Harry, filmregissør Sofia Coppola, skodespelarane Jamie Bell, Kate Mara og Winona Ryder, og Bette Midler sat på første rad.

Nokre av Jacobs kjendisvener var også å sjå på catwalken som modellar, mellom anna Beth Ditto, vokalist i The Gossip.

LES OGSÅ: Her er klestabbane som blei trendy

Amerika-inspirert

Jacobs er ein av verdas mest kjente motedesignarar, og lanserte mellom anna grungemoten på legendarisk vis i 1992, noko som gjorde at han mista jobben i motehuset Perry Ellis. Men Jacobs lever no godt med sitt eige motehus på 22. året.

Sjølve kolleksjonen var inspirert av heimbyen, New York, og henta element frå ulike stilperiodar, mellom anna 40-talet, 70-talets glamrock og punk, samt teater og film. På scena stod eit orkester oppstilt og spelte ein låt av punkbandet The New York Dolls. Publikum fekk utdelt «playbills», tradisjonelle teaterprogram, med detaljane om showet på.

– Kva Amerika er for meg? For meg er Amerika New York City, sa Jacobs om inspirasjonen.

Blir hylla

Hovudfargane var henta frå det amerikanske flagget. Showet var lagt til ærverdige Ziegfeld Theatre, ein gammal kino midt på Manhattan. Catwalken starta ute på gata og vikla seg deretter innover i kinoen.

Kritikkane frå dei store motemagasina er så langt svært positive.

«Nesten like mykje som han elskar mote, så elskar han motens underhaldningsverdi. Han er ein av motens største historieforteljarar,» skriv kritikaren i Womens Wear Daily.

«Andy Warhol ville ha sett pris på dette, ikkje minst fordi nokre av printa kunne minne om popartistens silketrykk,» skriv motekritikaren i Vogue.

Kulturstrøm

  • 100 bidrag til klimalåtkonkurranse

    Artist Hanne Kolstø inviterte i mars folk til å skrive en låt som skal gi miljøvernerne en ny kampsang. Klimalåtkonkurransen «Etter oss» har hittil fått inn 100 bidrag, med både punk, vise, pop, rock, samtidsmusikk, instrumental, rap og joik. Fristen er nå utsatt til 31. mai. Låtskriver-vinneren får spille sangen sin på Klimabrøl-demonstrasjonen den 30. august i Oslo, og vil også få gratis studiotid og mulighet til å gi den ut.

    Hanne Kolstø på Øya
    Foto: Tom Øverlie / NRK P3
  • Alan Walker i Spektrum

    9. november inntar Alan Walker (21) Oslo Spektrum som del av sin «Aviation Tour», som blir Walkers første arenaturné. Storhiten «Faded» kom i 2015 og siden har Walker toppet hitlister over store deler av verden. Bergenseren kan skilte med å ha blitt strømmet over en milliard ganger på Spotify – og turnert verden rundt.

  • Føreslår å kutte allsong

    Regjeringa føreslår å fjerne allsong frå det nye norskfaget som skal gjelde frå hausten 2020, skriv Framtida. Det betyr at det kan bli valfritt for norsklærarar i barneskular om dei vil ha song i klasserommet eller ikkje.