Mange ville sjå snåsamann-dokumentar

Over 22.000 nordmenn såg dokumentarfilmen om «Snåsamannen» i opningshelga. Dette er den beste opningshelga for ein dokumentar i Noreg.

Snåsamannen

Filmen om evnene til Joralf Gjerstad blei godt besøkt i opningshelga.

Foto: Speranza Film

Dokumentarfilmen om Joralf Gjerstad frå Snåsa i Nord-Trøndelag fekk mykje merksemd før premieren. «Mannen frå Snåsa» var opningsfilmen under Tromsø internasjonale filmfestival i førre veke.

Beste opningshelg

Joralf Gjerstad og Margreth Olin på premiere i Snåsa Samfunnshus

Margreth Olin har følgt møter mellom folk og mannen frå Snåsa.

Foto: J.Haudemann-Andersen. / NRK

Det har vore skrive mykje om dei påståtte lækjande evnene til Gjerstad. Og over 50.000 skal ha oppsøkt «Snåsamannen» på heimebane dei siste 65 åra for å få hjelp. I filmen til Margreth Olin får vi møte 22 av dei som har teke turen.

All merksemda Gjerstad har fått, har tydelegvis pirra folk. I går var det fulle hus då filmen hadde premiere i Snåsa. Og folk elles i landet har følgt opp. Til saman har over 20.000 nordmenn løyst billett til dokumentaren i opningshelga. Ifølgje distributøren er dette den beste opningshelga for ein dokumentar, både norsk og utanlandsk, i Noreg nokon gong.

Kritikk

Visning av Mannen fra Snåsa

Fulle hus då dokumentaren blei vist i Snåsa.

Foto: J.Haudemann-Andersen / NRK

Filmen har fått kritikk for ikkje å stille kritiske spørsmål ved evnene til «Snåsamannen». Men enkelte av skeptikarane meiner også at skulemedisinen har noko å lære av Gjerstad. Medan andre framleis er kritiske til evnene.

Opptaka til filmen blei gjort frå hausten 2014 til sommaren i fjor. Regissør Margreth Olin har sagt at ho har ønska å lage eit nøkternt og ærleg bilde av «Snåsamannen». Og ho meiner vi har noko å lære av Gjerstad og dei som oppsøker han.

Kulturstrøm

  • Første skeive Pixar-figur

    Den komande filmen «Fremad» vil vere den første animerte Disney-Pixar-filmen med ein opent homofil figur, meldar Disney. Det er politikvinna Spector som sjølv snakkar om sin kvinnelege kjærast i filmen.

    Officer Specter fra Disney-Pixar-filmen «Fremad»
    Foto: Disney
  • Erling Sandmo er død

    Historikeren, forfatteren og musikkanmelderen Erling Sandmo (56) døde brått fredag, på skitur. Han var nylig ansatt som leder for Nasjonalblibliotekets nye kartsenter, og har gitt ut flere bøker, sist om sjømonstre i kart og litteratur. Han er også kjent som programleder i NRK P2s musikkprogram På sporet.

    Professor Erling Sandmo i Kartsenteret ved Nasjonalbiblioteket
    Foto: Nasjonalbiblioteket
  • For drøy for Frp-politiker

    Frp-stortingsrepresentant syns det er hårreisende at det offentlige støtter kunstnere som bruker kjønnsorganer, kroppsvæsker eller avføring i kunsten. Kulturminister Abid Raja mener at det blir helt feil at politikere skal gå inn og bestemme hvem som skal få støtte til kunst.