Hopp til innhold

Lisa Marie Presley er død

Songaren Lisa Marie Presley døydde fredag, 54 år gamal, opplyser mora, Priscilla Presley. Lisa Marie var rockekongen Elvis sitt einaste barn.

Lisa Marie Presley

Lisa Marie Presley vart 54 år gamal.

Foto: FRED PROUSER / REUTERS

– Det er med tungt hjarte at eg må dele den forferdelege nyheita om at den vakre dottera mi Lisa Marie har forlate oss, uttalte Priscilla Presley i ei melding til People magazine.

– Ho var den mest lidenskapelege, sterke og kjærlegaste kvinna eg nokon gong har kjent, sa ho.

Dødsbodskapen kjem berre nokre timar etter at Priscilla Presley hadde stadfest at dottera vart frakta til sjukehus med hjartestans.

Pricilla Presley og Lisa Marie Presley 2021

Priscilla Presley og dottera fotografert i 2021.

Foto: Jordan Strauss / AP

Fekk hjartestans

Eksmannen Danny Keough skal ha utført hjarte-lunge-redning på Presley fram til ambulansen kom. Dei to budde saman i Calabasas utanfor Los Angeles etter at sonen deira, Benjamin Keough, døydde i 2020.

Ambulansefolka som vart tilkalla, skal ha klart å få hjartet hennar i gang igjen. Deretter vart ho køyrd til eit lokalt sjukehus, der det nokre timar etter vart stadfest at ho var død.

Lisa Marie vart fødd i 1968, på dagen ni månader etter at foreldra gifte seg. Etter at dei skilde lag då ho var fire år gamal, budde ho med mora i Los Angeles.

Ho var og i mange periodar hos faren på eigedomen hans Graceland i Memphis i Tennessee.

Elvis og priscilla Prestley sammen med datteren Lisa Marie i 1968

Elvis og Priscilla poserer med den nyfødde dottera si i 1968. Berre 9 år gamal mista ho faren sin.

Foto: AP

På Golden Globe

Lisa Marie mista faren sin berre ni år gamal. Saman med besteforeldra arva ho eigedomen Graceland.

Under Golden Globe-utdelinga tidlegare denne veka var Lisa Marie Presley til stades saman med mora og tre av barna då skodespelaren Austin Butler vart heidra for rolla si i filmen «Elvis».

I takketalen sin gav Butler ei varm helsing til Lisa Marie og mora hennar.

– Eg vil også takke Presley-familien. Takk, folkens. Takk for at de opna hjarta dykkar, minna og heimane dykkar for meg. Lisa Marie og Priscilla, eg elskar dykk for alltid, sa Butler tysdag.

«Elvis» fortel historia om livet til rockelegenda frå starten av karrieren fram til han døydde 42 år gamal.

Finley Lockwood, Lisa Marie Presley, Baz Luhrmann, Priscilla Presley, Riley Keough, Austin Butler og Harper Lockwood

Lisa Marie Presley saman med tre av barna, mora og Austin Butler som spelar Elvis i filmen med same namn.

Foto: RINGO CHIU / Reuters

Gift med Michael Jackson

Lisa Marie Presley var sjølv musikar, og gav ut tre album. Eit av dei selde til gull i USA.

2007 slapp ho ein ny versjon av klassikaren «In the Ghetto», der ho syng 'saman' med faren Elvis som opphavleg gav ut låten i 1969.

Ho var gift fire gonger, mellom andre med artisten Michael Jackson og skodespelaren Nicolas Cage. Ho let etter seg tre barn, mellom dei skodespelaren Riley Keough, som har spelt i filmane «Mad Max: Fury Road» og «American Honey».

Lisa Marie Presley og Michael Jackson saman med barn frå mange land på Jacksons ranch Neverland i 1995.

Lisa Marie Presley og Michael Jackson saman med barn frå mange land på Jacksons ranch Neverland i 1995.

Foto: Lee Celano / Reuters

Kulturstrøm

  • Salman Rushdie om angrepet: – Voldsomt

    Forfatter Salman Rushdie har gitt sitt første intervju etter angrepet i New York i fjor. –Det var et voldsomt angrep, sier han til avisen The New Yorker.

    Rushdie holdt et foredrag om kunstnerisk frihet, da han ble angrepet med kniv på scenen. Forfatteren har mistet synet på det ene øyet, og har fått nedsatt førlighet i den ene hånden. Til avisen forteller han at han skriver litt saktere etter angrepet. Nå i vår er Salman Rushdie aktuell med boken «Seiersbyen», som kommer på norsk i mars.

    Salman Rushdie
    Foto: Hallgrim Haug / NRK Brennpunkt
  • Besøksrekord for Deichman

    Bibliotekene i Oslo hadde 4,6 millioner besøkende i 2022. Det er en økning på 1,5 millioner sammenlignet med normalåret 2019. I tillegg fikk bibliotekene 48 000 nye lånere.

    I året som gikk bidro Deichmans 24 biblioteker, spesialavdelinger og pilotprosjekter til veksten. Det nye hovedbiblioteket er hovedgrunnen til den store veksten, men også nyoppussede lokalbibliotek bidro til at flere bruker Oslos folkebibliotek.

  • «Ellos Eatnu – La elva leve» vant to priser på filmfestivalen i Göteborg

    Den norske filmen «Ellos Eatnu – La elva leve» mottok lørdag kveld både publikumsprisen og kritikerprisen på filmfestivalen i Göteborg.

    Den var en av to norske filmer som deltok i den nordiske konkurransen Nordic Dragon Award, og endte opp med å være den filmen festivalpublikummet satte størst pris på.

    Festivalen i Göteborg er Nordens største filmfestival.

    Den norske filmen om Altasaken har artist Ella Marie Hætta Isaksen i hovedrollen.

    – Den setter dagsordenen og gir ny forståelse for et samisk perspektiv på norsk politikk og kraftutbygging, det er fantastisk at både publikummet og kritikerne verdsetter dette så høyt, sier Kjersti Mo, direktør i Norsk filminstitutt.

    Filmen vant Den internasjonale filmkritikerorganisasjonen FIPRESCI sin pris. I juryens begrunnelse står det blant annet at «På mesterlig vis formidler filmen den sorgen som ble forårsaket av truslene om forsvinnende kultur og tap av identitet, språk og familiebånd».(NTB)

    Ellos eatnu - La elva leve
    Foto: Mer Filmdistribusjon

Flere kulturnyheter