Å strøyme eller ikkje strøyme, det har vore det store spørsmålet for mange store band. No hamnar Led Zeppelin i selskap med blant andre Metallica og Pink Floyd som før sa nei i lang tid, men som ombestemte seg og no strøymer musikken sin.
Nye versjonar
Led Zeppelin er eit av tidenes største rockeband og har solgt over 135 millionar album. Alle dei seks studioalbuma blir lagt ut, i tillegg til fleire live-skiver, blant anna deira siste konsert saman frå London og O2 Arena i 2007.
Gitarist Jimmy Page har sjølv jobba med å digitalisere musikken for å få mest mogleg ut av lyden tilpassa strøyming. Det er i tillegg ein del alternative versjonar av songar for blodfansen.
(Saka fortset under bildet)
LEGENDER: Led Zeppelin er kjent for deira banebrytande musikk og ville livsstil. Her med dei originale medlemmane, frå venstre: John Paul Jones, Robert Plant, John Bonham og Jimmy Page. Zeppelin blei oppløyst i 1980 då trommeslagar John Bonham døde grunna alkoholisme.
Foto: All over / GoogleFramleis Beatles og AC/DC-nei
At Led Zeppelin seier kan påverke dei andre som seier nei, på sikt. Taylor Swift trakk all musikken hennar frå Spotify i fjor haust.
Swift sa offisielt at ho ikkje ville vere med på strøyme-eksperimentet og meiner ho vil tene meir pengar samla sett fordi mange i USA framleis kjøper CD. Albuma til The Beatles og AC/DC ligg heller ikkje ute til strøyming.
